Barselona futbolchisi Ansu Fati Monakodagi muvaffaqiyatli ijara mavsumidan so‘ng o‘z kelajagi va Lamine Yamalning o‘yini haqida fikr bildirdi. Jarohatlar tufayli qiyin davrni boshdan kechirgan hujumchi, Fransiya chempionatida o‘z sport formasini tiklab oldi. Bu haqda Goal.com xabar beradi.
Fati yosh iqtidor egasi Lamine Yamalga yuqori baho berdi: "U shunchaki ajoyib. Uning tug‘ma iste’dodi bor va u haqiqiy yulduz. Eng muhimi, u juda xotirjam va ruhiy jihatdan baquvvat. Umid qilamanki, u uzoq yillar davomida Barselona muxlislarini xursand qiladi", - dedi Fati.
Monako safida joriy mavsumda 11 ta gol urgan Ansu Fati o‘zini yana erkin his qilayotganini ta’kidladi. "Men o‘yinimdan zavq olyapman. Yillar davomida barqaror o‘yin amaliyotiga ega bo‘lmagan edim, endi esa o‘zimni maydonda erkin his qilyapman", - deya qo‘shimcha qildi u.
Barselona bilan bog‘liq rejalariga to‘xtalar ekan, Fati jamoada o‘z o‘rnini topish hamon asosiy maqsadi ekanligini yashirmadi. Biroq, futbol olamidagi shiddatli o‘zgarishlar va o‘tmishdagi jarohatlar uning faoliyatiga o‘z ta’sirini o‘tkazganini tan oldi.
“Zamin”ni Telegramʻda oʻqing!
