Italiya matbuotida tarqalgan xabarlarga koʻra, Inter klubi Tottenxem darvozaboni Guglielmo Vicario transferi borasidagi rejalarini qayta koʻrib chiqmoqda. Garchi tomonlar shaxsiy shartlar boʻyicha kelishuvga erishgan boʻlsa-da, A Seriya chempioni ushbu bitimdan butunlay voz kechish ehtimolini oʻrganmoqda. Bu haqda Goal.com xabar beradi.
Dastlab, Guglielmo Vicario San-Siroda yangi davrni boshlab beradigan asosiy darvozabon sifatida koʻrilayotgan edi. Tottenxem futbolchi uchun taxminan 20 million yevro talab qilayotgan boʻlsa-da, Inter rahbariyati mablagʻlarni tarkibning boshqa chiziqlarini kuchaytirishga yoʻnaltirishni maʼqul koʻrmoqda.
Corriere dello Sport nashrining yozishicha, Inter ushbu qarorga kelishiga Josep Martinezning oʻyinlari sabab boʻlmoqda. Klub Yann Sommer ketganidan soʻng, aynan Martinezni asosiy darvozabon sifatida koʻrmoqchi.
27 yoshli Josep Martinez 2024-yilgi yozgi transfer oynasida Genoadan kelib qoʻshilgan edi. Inter rahbariyati katta mablagʻ sarflab yangi darvozabon olgandan koʻra, mavjud imkoniyatlardan foydalangan holda tarkibni muvozanatlashni maqsad qilgan.
“Zamin”ni Telegramʻda oʻqing!
