Braziliyalik vinger Antony Real Betis tarkibida o‘zining ajoyib sport formasini namoyish etishda davom etmoqda. U Real Sosedadga qarshi kechgan va 2:2 hisobida yakunlangan bahsda yana bir bor gol urib, La Liga joriy mavsumidagi muhim ko‘rsatkichlardan birida Kylian Mbappe bilan tenglashdi. Bu haqda Goal.com xabar beradi.
Manchester Yunayteddagi muvaffaqiyatsiz davridan so‘ng Ispaniyaga ko‘chib o‘tgan futbolchi jarima maydoni tashqarisidan aniq zarbalar berish bo‘yicha mutaxassisga aylandi. Antony hozirga qadar La Ligada uzoq masofadan 5 ta gol urdi va bu borada Real Madrid yulduzi Kylian Mbappe bilan bir xil natijani qayd etdi.
Manuel Pellegrini qo‘l ostida o‘ziga bo‘lgan ishonchni qaytarib olgan Antony, bu mavsumni o‘z faoliyatidagi eng yaxshisi deb atadi. U jarohatlariga qaramay, jamoasi uchun fidoyilik ko‘rsatayotganini va jamoadoshlari hamda murabbiylar shtabining qo‘llab-quvvatlashi unga katta kuch berayotganini ta’kidladi.
Real Betis ushbu o‘yinda ikki to‘p farqi bilan oldinda borayotgan bo‘lsa-da, yakunda g‘alabani boy berdi. Antony o‘yin davomida vaziyatlardan unumli foydalana olmagani uchun biroz xafa ekanligini, ammo tez orada navbatdagi muhim bahsga tayyorgarlik ko‘rishlari kerakligini qo‘shimcha qildi.
“Zamin”ni Telegramʻda oʻqing!
