Fil Foden chorshanba oqshomida Etihad stadionida Kristal Pelas ustidan qozonilgan 3:0 hisobidagi muhim gʻalabada ikkita golli uzatmani amalga oshirib, Manchester Siti jamoasining Angliya Premer-ligasi chempionligi uchun kurashdagi umidlarini saqlab qoldi. Pep Gvardiola shanba kungi Angliya kubogi finalini inobatga olib, tarkibda oltita oʻzgarishni amalga oshirdi va Fodenga oʻzini koʻrsatish uchun imkoniyat berdi. Bu haqda Goal.com xabar beradi.
Uchrashuvning 32-daqiqasida Fodenning mohirona uzatmasidan soʻng Antuan Semenyo hisobni ochdi. Birinchi boʻlim yakunlanishi arafasida esa Fodenning nazorati tufayli Omar Marmush gol urib, jamoaning ustunligini ikki barobarga oshirdi. Oʻyin oxirida Rayan Sherki tomonidan uzatilgan toʻpni Savinyo darvozaga yoʻllab, mavsumdagi ilk golini nishonladi.
Gvardiola shogirdlari ushbu gʻalabadan soʻng peshqadam Arsenal bilan boʻlgan ochkolar farqini ikki ochkogacha qisqartirdi. Foden maydonni tark etayotganda muxlislar uni olqishlar bilan kuzatib qoʻyishdi.
Oʻzbekistonlik futbolchi navbatdagi barqaror oʻyinini namoyish etdi. U deyarli xatosiz harakat qilib, himoyada Mark Guehi bilan birgalikda raqib hujumchisi Matetani zararsizlantirishda muhim rol oʻynadi.
“Zamin”ni Telegramʻda oʻqing!
