Manchester Siti Angliya Premer-ligasi doirasida Kristal Pelas ustidan 3:0 hisobida gʻalaba qozonib, peshqadam Arsenal bilan oradagi farqni ikki ochkogacha qisqartirdi. Uchrashuv qahramoniga aylangan Fil Foden ikkita golli uzatma amalga oshirib, oʻzining Premer-ligadagi 100-golli harakatini qayd etdi. Bu haqda Goal.com xabar beradi.
Pep Guardiola oʻyin yakunida Fodenning individual mahorati jamoaga qiyin vaziyatlarda yordam berganini taʼkidladi. Murabbiyning soʻzlariga koʻra, aynan shunday iqtidorli futbolchilar raqibning zich himoya chizigʻini yorib oʻtishda hal qiluvchi rol oʻynaydi.
Chempionlik poygasi keskin tus olgan bir pallada, Manchester Siti oʻz oʻyinlarini gʻalaba bilan yakunlab, Arsenalning xatosini kutishdan boshqa chorasi yoʻq. Guardiola jamoasining taqdiri raqibning natijalariga bogʻliq ekanini tan oldi.
Endilikda Manchester Siti eʼtiborini Angliya kubogi finaliga qaratadi. Londonda Chelsi jamoasiga qarshi kechadigan bahs oldidan Pep Guardiola tarkibda rotatsiya qilib, Erling Xoland va Jeremy Dokuni dam oldirdi.
“Zamin”ni Telegramʻda oʻqing!
