Chelsi hujumchisi Joao Pedro muxlislar o‘rtasida o‘tkazilgan so‘rovnomada 60 foizdan ortiq ovoz to‘plab, klubning "Mavsumning eng yaxshi futbolchisi" deb e’lon qilindi. Braziliyalik futbolchi ovoz berish jarayonida Enzo Fernandez va Moises Caicedo kabi yarim himoyachilarni ortda qoldirdi. Bu haqda Goal.com xabar beradi.
Ushbu e’tirof futbolchi uchun biroz achchiq ta’mga ega bo‘ldi, chunki u aynan shu kuni Braziliya terma jamoasining Jahon chempionati uchun tarkibiga kiritilmagan edi. Bosh murabbiy Carlo Ancelotti kutilmaganda tajribali Neymar xizmatidan foydalanishga qaror qildi.
Joao Pedro o‘tgan yozda Braytondan 60 million funt sterling evaziga Chelsi safiga kelib qo‘shilgan edi. U Angliya Premer-ligasidagi debyut mavsumida 20 tadan ortiq golli vaziyatda (15 gol va 8 assist) qatnashgan tarixdagi oltinchi futbolchiga aylandi.
Futbolchi ijtimoiy tarmoqlardagi sahifasi orqali terma jamoaga chaqirilmaganiga munosabat bildirib, barcha muxlislarni Braziliya terma jamoasini qo‘llab-quvvatlashga chaqirdi. U o‘z faoliyatida mehnat qilishda davom etishini va kelajakdagi maqsadlariga e’tibor qaratishini ta’kidladi.
“Zamin”ni Telegramʻda oʻqing!
