Avval xabar berilganidek, 16–24 sentyabr kunlari Saudiya Arabistoni poytaxti Ar-Riyod shahrida U-16 Osiyo chempionatiga saralash bosqichi “A” guruhi uchrashuvlari bo‘lib o‘tadi. Unda mezbon Saudiya Arabistoni, O‘zbekiston, Bahrayn, Iordaniya va Shri-Lanka jamoalari qatnashadi.
Bugun, 15 sentyabr kuni musobaqa oldidan jamoa bosh murabbiylari ishtirokida matbuot anjumani bo‘lib o‘tdi. Shri-Lanka terma jamoasi delegatsiyasi Ar-Riyodga yetib kelmagani bois bosh murabbiy matbuot anjumanida ishtirok etmadi.
O‘zbekiston o‘smirlar termasining musobaqadagi ilk o‘yini 18 sentyabr kuni bo‘lishi munosabati bilan bosh murabbiy Dilshod Nuraliyev jamoa bilan ertaga Ar-Riyodga yetib keladi. Bugungi matbuot anjumanida jamoa menejeri Botir Karimjonov qatnashdi.
Bahrayn bosh murabbiyi Rashid al-Dosari: Saudiya Arabistoniga yetib kelishdan avval uch oy davomida tayyorgarlik olib bordik. Ushbu guruhda barcha jamoalarning kuchi teng deb o‘ylayman. Maqsadimiz – Osiyo chempionati final bosqichiga chiqish.
Iordaniya bosh murabbiyi Abdulla al-Katati: Iordaniya Futbol Federatsiyasi nomidan bizni iliq kutib olganligi uchun Saudiya Arabistoni Futbol Federatsiyasiga o‘z minnatdorchiligimni bildiraman. Shuningdek, mamlakat bosh jamoasi Rossiyadagi JCh–2018 turniriga yo‘l olganligi bilan tabriklayman. Guruhda oson raqibning o‘zi yo‘q: Bahrayn ham, Shri-Lanka ham barchaga birdek muammo tug‘dirishi mumkin. Tayyorgarlik doirasida ham xalqaro, ham mahalliy musobaqalarda ishtirok etdik. O‘ylaymanki, biz Osiyo chempionati final bosqichiga yo‘l olamiz.
Saudiya Arabistoni bosh murabbiyi Muhammad al-Abdeli: Ar-Riyod shahriga yetib kelgan jamoa delegatsiyalari a’zolarini ko‘rib turganimdan mamnunman. Umid qilamanki, ob-havoning issiq bo‘lishiga qaramay barcha o‘zini yaxshi his qilmoqda. Jamoa haqida so‘zlaydigan bo‘lsam, yosh futbolchilarimiz yaxshi tayyorlandi. Bu kabi turnirlar yoshlarning katta futbolga kirishi uchun dastlabki qadam hisoblanadi. Ayni damda ulardan ko‘p narsa talab qila olmaymiz, ularga bosim o‘tkazmaymiz. Albatta, guruhdagi barcha jamoalar singari bizning maqsadimiz ham OCh final bosqichiga chiqish, ammo futbolchilardan mana shu davrda zavq olishini istardim.
O‘zbekiston o‘smirlar terma jamoasi menejeri Botir Karimjonov: Avvalo mehmondo‘stlik uchun Saudiya Arabistoni Futbol Federatsiyasiga minnatdorlik bildirmoqchiman. Barcha tashkiliy masalalar a’lo darajada. Jamoamizning tayyorgarlik jarayoniga keladigan bo‘lsak, saralash bosqichiga qadar xalqaro musobaqalarda qatnashdik, o‘rqtolik o‘yinlari o‘tkazdik. Saralash bahslari yaxshi kayfiyatda o‘tishiga umid qilaman. Sifatli va yaxshi futbol namoyish qilib, oldimizga qo‘yilgan maqsad – Osiyo chempionatiga chiqish uchun kurashamiz.
Eslatib o‘tamiz, barcha bellashuvlar Ar-Riyod shahridagi Prince Faisal bin Fahd Stadium maydonida bo‘lib o‘tadi. Musobaqa taqvimi bilan tanishish uchun mazkur havolaga o‘tish mumkin.
Ma’lumot uchun, U-16 Osiyo chempionati saralashida OFKga a’zo jami 45 mamlakatning o‘smirlar terma jamoalari 10 guruhga bo‘lingan holda ishtirok etadi. Guruhda birinchi o‘rinni egallagan 10 ta hamda eng yaxshi 5 ta ikkinchi o‘rin sohiblari mezbon Malayziyaga qo‘shilgan holda OCh finaliga yo‘llanma oladi. U-16 Osiyo chempionati final bosqichi 2018 yilning 20 sentyabr – 7 oktyabr kunlari Malayziyada o‘tkaziladi.
Manba: www.the-uff.com “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Qaysi kundalik odatlar immunitet pasayishiga olib kelishini bilasizmi?
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Amerikalik olimlar barcha uchun birdek foydali jismoniy faollik turini aniqladi
Eron prezidenti jiddiy bayonot berdi: «Isroildan hech narsa qolmaydi»
