Farg‘onaning «Neftchi» klubi bosh murabbiyi Vadim Abramov JCh-2018ga chiqish vazifasi barbod bo‘lgani uchun muxlislardan uzr so‘radi.
«Futbolchilarimiz va mutasaddilar muxlislar ishonchini oqlay olishmadi. Men tushunaman, O‘zbekiston milliy terma jamoasi Jahon chempionatiga chiqa olmagani odamlarning umidini chippakka chiqardi. Boz ustiga u Rossiyada bo‘lib o‘tadi. Agar chiqqanimizda bu terma jamoamizni jahon chempionatida ko‘rish uchun duoda bo‘lgan o‘zbek futbol muxlislarimiz uchun ulkan bayram bo‘lardi. Yonginamizdagi Rossiyaga kelib, o‘z terma jamoasiga muxlislik qilish qanday mazza?!
Afsuski buni uddalay olmadik. Men barcha futbolchilar va mutaxassislar nomidan muxlislarimiz oldida uzr so‘rayman. Kelgusida ularning umid va ishonchlarini chippakka chiqarmaslik uchun qo‘limizdan kelgan barcha narsani qilamiz. Chunki futbolni ular uchun o‘ynaymiz.
Ishoning, kelishilgan o‘yinlar va hokazolar futbolimizda juda kam. Muxlislarimizdan har xil gaplarga ishonmasliklarini so‘rar edim. Modomiki, shunday holatlar yuz berganida ham u ochiq-ravshan ko‘rinib turadi va barcha xabar topadi.
Shu sababli, men yana bir marta uzr so‘rab, kelgusida ularning ishonchini oqlash uchun harakat qilishimizni aytib o‘tmoqchiman. Hozir futbolimizga yangi rahbariyat keldi, menimcha, ular ham futbolimizni yuksaltirish uchun ma’lum sa’y-harakatlarni amalga oshirishadi. Muxlislarimiz ko‘proq quvonib, futboldan bahra olishlari uchun harakat qilamiz. Hali hammasi yaxshi bo‘ladi», deya gapirib o‘tdi Abramov «Oriat Dono» radiosining «Futbol plyus» dasturida.
Manba: Kun.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
D vitamini dozasini oshirib yuborishning xavfli oqibatlari
Kolumbiya prezidenti Netanyaxuni hibsga olishga chaqirdi
Surxondaryo viloyatida ayiq IIB xodimiga jarohat yetkazdi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Ukraina harbiy bo‘linmalari Xarkiv viloyatidagi yangi pozitsiyalarga o‘tkazildi
"Svet" va gaz tarmog‘iga ulab berishni va’da qilgan muhandislar ushlandi
Qashqadaryo viloyati hokimi 22 nafar mas’ulni ishdan oldi
Slovakiya bosh vaziriga suiqasd qilgan erkakka qanday jazo tayinlanadi?