Chexiya poytaxti Pragada bo‘lib turgan O‘zbekiston Milliy olimpiya qo‘mitasi bosh kotibi Oybek Qosimov Xalqaro antidoping agentligi (WADA) Bosh direktorining o‘rinbosari Rob Koyexler bilan uchrashdi. Suhbat jarayonidagi asosiy mavzu O‘zbekistonda Milliy antidoping agentligini ochish masalasi bo‘ldi. Bu haqda «O‘zbekiston Milliy olimpiya qo‘mitasi» matbuot xizmatiga tayanib Kun.uz xabar bermoqda.
Ma’lumki, joriy yilning 9-10 mart kunlari poytaxtga Butunjahon antidoping agentligi (WADA)ning Milliy va Mintaqaviy antidoping tashkilotlari bilan aloqalar bo‘yicha direktor o‘rinbosari Tom Mey va ushbu tashkilotlar bilan aloqa bo‘yicha menejeri Fransisko Leonlar tashrif buyurishgandi. Milliy va Mintaqaviy antidoping tashkilotlari vakillarining tashrifidan ko‘zlangan maqsad O‘zbekiston Respublikasi Jismoniy tarbiya va sport davlat qo‘mitasi hamda Milliy olimpiya qo‘mitasi rahbarlari bilan uchrashish bo‘lib, O‘zbekistonda Milliy antidoping tashkilotini tuzish imkoniyatlarini muhokama qilish edi.
Oybek Qosimov bilan bo‘lib o‘tgan bugungi uchrashuv davomida janob Rob Koyexler O‘zbekistonda Milliy antidoping agentligini ochish masalasida zarur amaliy yordamlarni ayamasligi, kerak bo‘lsa Toshkentga ekspertlar va mutaxassislardan iborat komissiya yuborishini ta’kidlab o‘tdi.
O‘z navbatida, O‘zbekiston Milliy olimpiya qo‘mitasi bosh kotibi Rob Koyexlerga taklif etilayotgan yordam uchun minnatdorchilik izhor etib, O‘zbekiston bu masalada WADA bilan hamkorlik qilishga tayyorligini bildirdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
