Go‘zal Ismatova Osiyo chempioni!

Vyetnamda boks bo‘yicha xotin-qizlar o‘rtasida tashkil etilgan Osiyo chempionatining hal qiluvchi final bahsida hamyurtimiz Go‘zal Ismatova mezbonlar vakilasiga qarshi ringga ko‘tarildi.

Ti Tran Niga qarshi kechgan qarama-qarshilikda Go‘zal Ismatova to‘liq ustunligini namoyish etib, 5:0 hisobida zafar quchdi va musobaqa g‘olibasiga aylandi.

Eslatib o‘tamiz, ushbu qit’a musobaqasida hamyurtlarimiz Yodgoroy Mirzayeva hamda E’zozaxon Meliyeva bronza medallarini qo‘lga kiritgan edi.