O‘zbekiston futbol federatsiyasi prezidenti Umidjon Ahmadjonov, kelajakda o‘zbek futboli muxlislariga sovg‘alar ko‘p ekanligini ma’lum qildi.
- Hozirda bir necha murabbiylar bilan muzokaralar olib boryapmiz. Oldinroq, milliy terma jamoa uchun bosh murabbiylikka kimlar bilan muzokaralarga kirishganimizni ma’lum qilgandik. Biroq hozircha hech kimdan aniq javob ololmadik. Yanvar oyining boshida O‘zbekiston milliy terma jamoasining bosh murabbiyini e’lon qilamiz. U sobiq termasida jahon chempionati missiyasini uddalagan bo‘ladi. Uning kelishi barchani xursand qiladi.
Ha, bir necha davlatlar bilan memorandumlar imzoladik. Janubiy Koreya, Yaponiya kabi Osiyoning futboli kuchli rivojlangan mamlakatlar bilan hamkorlik qilamiz. Keyingi yilda ham, shunday ishlarni davom ettirmoqchimiz. Xususan, Angliya, Germaniya, Fransiya kabi dunyoning futboli eng kuchli mamlakatlar bilan hamkorlik qilish niyatimiz bor.
Shuningdek, UYeFA tashkiloti bilan ham bu borada kelishuvga erishilgan. Keyingi yili u yerga borib, rasman hujjatlarga imzo chekamiz.
Umuman olganda, maqsadimiz – O‘zbekistonda futbolni millionlab muxlislari uchun keng targ‘ib qilishdir. Ha, keyingi yilga muxlislarimizga bir nechta sovg‘alarimiz bor. Oldinroq ma’lum qilinganidek, Marokash va Eron terma jamoalari bilan o‘rtoqlik o‘yinlari o‘tkazamiz.
Biroz vaqt o‘tib, yillik rejamiz borasida ma’lumotlar beramiz. Bolalar futbolida ham bir necha istiqbolli dasturlar ishlab chiqilgan. Unga ko‘ra, har bir yosh toifasida katta turnirlar o‘tkazib, terma jamoalar zahirasini boyitish niyatimiz bor. Undan tashqari, kichik yoshdagi futbolchilardan iborat terma jamoalar ham xorijiy davlatlarda yig‘inlar uyushtirishi mumkin bo‘ladi. Maqsad, ularni katta futbolga jiddiy tayyorlash va milliy terma jamoaning asosini kengaytirishdir, - deydi Umid Ahmadjonov “O‘zbekiston 24” telekanaliga bergan intervyusida.
Eslatib o‘tamiz, avvalroq O‘FF O‘zbekiston terma jamoasiga, faqat xorijdan mutaxassis olib kelishini aytib o‘tgandi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Britaniya muzeyi mamlakat tarixidagi eng qimmat sovg‘aga ega bo‘ladi
