“Qo‘qon-1912” jamoasi tarkibida bu yil Serbiyalik himoyachi Marko Milich to‘p surmoqda. Milich superliganing birinchi va ikkinchi turlarida maydonda 90 daqiqa to‘p surdi. Serbiyalik himoyachi O‘zbekiston va superliga o‘yinlari borasida o‘zining fikrlarini bildirib o‘tdi.
- Men birinchi marta O‘zbekistonga kelishim. To‘g‘risini aytaman bu yerga kelgunimcha O‘zbekiston haqida tasavvurlarim boshqacha edi. Mamlaktingizda bir oy yashab, bu yurt va o‘zbek halqi haqidagi tasavvurim butunlay o‘zgardi. O‘zbekiston go‘zal diyor ekan. Ayniqsa mamlakatdagi tinchlik, xotirjamlikni hech narsaga qiyoslab bo‘lmaydi. O‘zbek halqi va o‘zbek taomlarining esa ta’rifiga til ojiz.Kelganimga endi bir oy bo‘ldi. Menga bu yurtda bo‘lish judayam yoqmoqda. Meni O‘zbekistonga taklif qilgan No‘mon Hasanovdan judayam minnatdorman.
“Qo‘qon-1912” jamoasida meni juda yaxshi kutib olishdi. Jamoada barcha yigitlar professional futbolchilar. Umuman bu yerda hamma o‘z ishini sidqidildan bajarmoqda. Ahillik havas qilarlik darajada ekan. Jamoaga ko‘nikib ketishimda hamyurtim Darko Gojkovichning xizmatlari katta bo‘ldi. Darko ikki yil bu klubda o‘ynab, ancha tajriba ortirgan. Albatta legioner futbolchi boshqalardan bir bosh ustun bo‘lishi kerak. Buning uchun mashg‘ulotlarda astoydil ishlamoqdaman, jamoamga foydam ko‘proq tegishi uchun astoydil harakat qilaman.
Superliganing ikkita o‘yinida maydonga tushdim, chempionatingiz saviyasi men o‘ylagandan ancha yuqori ekan. Ayniqsa Buxordagi o‘yinda stadiondagi atmosfera, muxlislarning qo‘llab quvvatlashlari judayam ajoyib bo‘ldi. Boshida ozgina hayajon bo‘ldi. Navoiyda esa ancha muhitga moslashdim. Har ikki o‘ynagan jamoalarimiz ham kuchli klublar ekan. O‘yinlar ancha qiyin bo‘ldi. O‘zbekistondagi futbolchilar texnikasi yuqori, ham aqlan kuchli futbolchilar ekan. Mavsum endi boshlandi, o‘yindan o‘yinga o‘z o‘yinimni kuchaytirib borishga intilaman.
Qo‘qonga hali bormadim. Eshitishimcha Qo‘qon o‘zbek futbolining vatani ekan. Qo‘qonlik muxlislar esa ilk safar o‘yinidayoq o‘zlaridan juda yaxshi taassurot qoldirishdi. Bunday muxlislar uchun jonimni berib o‘ynashga tayyorman.
Manba: www.kokand1912.uz “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Apple dongdor ikki ayfonini rasman eskirgan deb e’lon qildi
Global ochlik va qashshoqlikka qarshi kurash alyansiga 82 mamlakat a’zo bo‘ldi
O‘zi choy damlaydi va suhbatlashadi: dunyodagi birinchi “aqlli” choynak taqdim etildi (video)
Organizm o‘zini toksinlardan qanday tozalaydi?
KXDR Rossiyaga 100 minggacha harbiy yuborishi mumkin
Xatolar va mag‘lubiyatlar... ular kechiriladimi?
Endi operatsiyadan so‘ng kesmalar o‘rni ikki barobar tezroq bitishi mumkin
Tyumen oblastiga O‘zbekistondan mehnat migrantlari ishga jalb qilinadi
