Ertaga nasib qilsa O‘zbekiston MTJ Eronga qarshi o‘rtoqlik o‘yinida maydonga tushadi. Bizni xursand qiladigan tomoni bu uchrashuvda faqat yosh futbolchilarimiz o‘ynaydi. Nasib qilsa to‘rt oydan so‘ng shu futbolchilar Indoneziyada o‘tadigan Osiyo o‘yinlarida Vatanimiz sharafini himoya qilishi lozim.
Hozirdan bu o‘yin haqida biror fikr bildirish qiyin. Chunki murabbiylar shtabining o‘z qarashlari bo‘ladi. Bu haqida faqat o‘yindan so‘ng biror narsa deyish mumkin. Ammo bir masala borki, bu haqida hozirdan gapirsak bo‘laverar - hujumchilar. Bu masala bizda anchadan buyon muammo va ishoning, aynan shu narsa Eron – O‘zbekiston bahsini tomosha qilishga asosiy sabab bo‘ladi.
Eronga qarshi o‘yinda hujum chizig‘ida ikki futbolchi o‘ynashi kutilmoqda - Zabihillo O‘rinboyev va Andrey Sidorov. Oldindan aytamiz, O‘rinboyev va Sidorovga hech qanday e’tiroz yo‘q. Bu yigitlar qishda bo‘lib o‘tgan yoshlar o‘rtasidagi Osiyo chempionatida bizga olam-olam quvonch bag‘ishlagan. Endi milliy terma jamoa eshigini taqillatmoqda va bundan xursandmiz. Ammo tan olish lozim, hujumchilar masalasi baribir bizda g‘arib va muammo bo‘lib turibdi. Qisqasini aytganda - borimiz shu. Xo‘sh, O‘zbekiston MTJ murabbiylar shtabi bu masalani qanday hal qiladi? Bunisini nasib qilsa ertaga bo‘ladigan o‘yinda ko‘rib olamiz...
Terma jamoamiz qanday uslubda o‘ynaydi? Ayniqsa hujumda qanday harakat qiladi? Bu savollarga javobni ertaga olamiz va ko‘p hollarda u avgustda bo‘ladigan Osiyo o‘yinlariga ham ta’sir o‘tkazadi. Xullas, shunaqa gaplar. Eron – O‘zbekiston bahsini o‘tkazib yubormang...
Abdulloh
Manba: www.uff.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi