Boks. Qozogʻistonlik murabbiy magʻlubiyatlarda hakamlarni aybladi

Qozogʻiston boks terma jamoasi bosh murabbiyi Mirzagʻalri Aytjanov Osiyo oʻyinlaridagi muvaffaqiyatsizliklar borasida oʻz fikrlarini bildirib oʻtdi.

"Bizning bokschilarimiz yaxshi ishtirok etishlari mumkin edi. Biz yaxshi tayyorgarlik koʻrgan edik, ammo bir qator yoqimsiz vaziyatlar tufayli natijamiz past boʻldi. Bokschilarimiz yaxshi jang qilmadi deyish notoʻgʻri boʻladi.

Bizda 5 ta medal qoʻlga kiritish uchun imkoniyat bor edi. Ulardan uchtasini yarim finalga chiqa olishmadi, ulardan gʻalabani tortib olishdi.

Finalda Omonqul va Shimbergenovlar yaxshi jang oʻtkazishdi. Hozir boksda gʻalaba qozonish juda qiyin. Ayniqsa, hakamlar shunday bosim qilib turganda", - deb Aytjanovning soʻzlarini keltirib oʻtdi Sports.kz.