Bugun O‘zbekiston MTJ a’zolari Dubay shahrida navbatdagi mashg‘ulotni o‘tkazishdi. Mashg‘ulotdan keyin futbolchilar uchun "Crowne Plaza" mehmonxonasida o‘zbekona tadbir tashkil etildi. Bu haqda O‘FA rasmiy sayti xabar bermoqda.
Tadbirda O‘zbekiston futbol assotsiatsiyasi 1-vitse-prezidenti Umid Ahmadjonov, O‘FA mutasaddilari va Osiyo Kubogini yoritish uchun O‘zbekistondan tashrif buyurgan OAV xodimlari ishtirok etishdi. Umid Ahmadjonov futbolchilar bilan uchrashuv chog‘ida ularga Ummonga qarshi o‘yinda qozonilgan g‘alaba uchun minnatdorchilik bildirib, bu yog‘iga ham bo‘shashmasdan harakat qilish kerakligini, butun o‘zbek xalqi terma jamoamizdan g‘alabalar kutayotganini aytib o‘tdi. Shundan so‘ng milliy terma jamoamiz ustozi Ektor Kuper OFK tomonidan taqdim qilingan Osiyo Kubogi bosh sovrini suvenirini Umid Ahmadjonovga topshirdi. O‘FA 1-vitse-prezidenti ushbu Kubokning haqiqiysini Toshkentga olib borish milliy terma jamoamizga nasib qilishini tiladi.
Tadbirga yig‘ilganlarga O‘FA Matbuot xizmati tomonidan tayyorlangan futbolchilarimizning ruhiyatini ko‘taradigan video namoyish qilindi.
Keyin esa estradimiz yulduzlari Jahongir Foziljonov, Qilichbek Madaliyev va Shuhrat Vohidov kabi san’atkorlar o‘z kuy qo‘shiqlari bilan yig‘ilganlar xush kayfiyat baxsh etishdi.
Tadbir so‘nggida esa futbolchi, murabbiy va OAV xodimlariga o‘zbek oshpazlari tomonidan tayyorlangan o‘zbek taomlari shohi - palov tortildi.
Bu tadbirni o‘tkazishdan asosiy maqsad yurtdan uzoqda bo‘lgan futbolchilarning Vatanga bo‘lgan sog‘inchlarini bir oz bo‘lsada kamaytirish, muhim o‘yin oldidan ularning kayfiyatini ko‘tarish, bir oila sifatida jipslashtirish va kelgusi g‘alabalar sari ruhlantirishdan iborat.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Istanbuldagi 1 may namoyishlarida 140 dan ortiq kishi hibsga olindi
Abbosbek Fayzullayev ham Osiyo kubogi finalida o‘ynamaydi
Timur Kapadze Yaponiyaga qarshi kechgan finaldan so‘ng nimalar dedi?
Rogov: Amerika qo‘shinlarining Ukrainada paydo bo‘lishi "ochiq ishg‘ol" bo‘ladi
Xitoyda avtomobil yo‘lining o‘pirilishi oqibatida kamida 24 kishi halok bo‘ldi
Ukraina Qrimga ATACMS raketalari bilan hujum qildi
Nyu-York politsiyasi Falastin tarafdori bo‘lib namoyish o‘tkazgan 282 talabani hibsga oldi