“Manchester Yunayted” va “Manchester Siti” bugun Angliya kubogi yarim finaliga chiqish uchun maydonga tushadi

16 mart, shanba kuni futbol boʻyicha Angliya Kubogining 1/4 finali bahslariga start beriladi.
Angliya premyer ligasida yetakchilik qilayotgan “Manchester Siti” safarda “Suonsi”ni sinovdan oʻtkazadi. Uchrashuv Toshkent vaqti bilan soat 22:20 da boshlanadi.

Eslatib oʻtamiz, “shaharliklar” musobaqaning nimchorak bahsida Angliyaning 3-divizionida toʻp suradigan “Nyuport Kaunti”ni magʻlubiyatga uchratgandi (4:1).

Shu kuni Ole-Gunnar Sulsher qoʻl ostidagi “Manchester Yunayted” klubi mehmonda “Vulverhempton” bilan bahsga kirishadi. Bellashuv tungi soat 00:55 da start oladi.

Taʼkidlash joiz, “qizil iblislar” mazkur musobaqaning 1/8 finalida Londonning “Chelsi” jamoasi ustidan 2:0 hisobida gʻalaba qozongandi.

1. “Suonsi”—“Manchester Siti” 22:20
2. “Vulverhempton”—“Manchester Yunayted” 00:55 “Zamin” yangiliklarini “Telegram”da kuzatib boring