Italiya chempionatining 28-turidan oʻrin olgan “Milan” – “Inter” uchrashuvi oʻz nihoyasiga yetdi. “San-Siro” stadionida boʻlib oʻtgan bahsda mehmonlar gʻalabani qoʻlga kiritishdi.
Oʻyin mehmonlarning tezkor goli bilan boshlandi. 3-daqiqada Matias Vesino raqib himoyasidagi tartibsizlikdan unumli foydalanib hisobni ochdi. Tanaffusga qadar ikki jamoada ham bir qator qulay imkoniyatlar yuzaga keldi, ammo birinchi boʻlimda boshqa gol boʻlmadi.
Ikkinchi boʻlim ham “Inter”ning tezkor goli bilan boshlandi. 51-daqiqada Stefan de Vrey burchakdan uzatib berilgan toʻpni raqib darvozasiga jyolab, mehmonlarning ikkinchi golini urdi. 57-daqiqada mezbonlar standart vaziyatni golga aylantirishdi. Jarimadan uzatilgan toʻpni Temuye Bakayoko boshi bilan darvozaga aniq yoʻnaltirdi.
67-daqiqada mehmonlar penalti ishlab olishdi, uni Lautaro Martines aniq bajardi. Biroq oradan koʻp oʻtmay maydon egalari yana hisobni qisqartirishdi. Mateo Musakko himoyachilardan qaytgan toʻpni darvozaga joylab qoʻydi.
Shundan soʻng “Milan” vakillari bosimni oshirishdi, “neradzurrilar” esa qarshi hujumda oʻynashdi. Biroq Gattuzo shogirdlarining bir nechta urinishlari samara bermadi.
Shu tariqa, ushbu gʻalabadan soʻng “Inter” ochkolarini 53 taga yetkazib oldi va “Milan”ni (51) ortda qoldirib uchinchi oʻringa koʻtarilib oldi.
A Seriya, 26-tur
Milan – Inter 2:3 (0:1, 2:2)
Gollar: 0:1 – 3 Vesino, 0:2 – 51 de Vrey, 1:2 – 57 Bakayoko, 1:3 – 67, penalti Martines, 2:3 – 71 Musakko.
Milan – Donnarumma, Kalabriya, Musakko, Rodriges (Kutrone, 58), Romanoli, Lukas Paketa (Kastilyexo, 46), Kessie (Konti, 69), Chalxanoglu, Bakayoko, Suso, Piontek.
Inter – Xandanovich, DʻAmbrozio, Shkrinyar, Asamoa, de Vrey, Galyardini, Vesino (Ranokkiya, 90), Perishich, Brozovich (Valero, 73), Politano (Kandreva, 84), Martines.
Ogohlantirishlar: Brozovich (14), Rodriges (32), Romanoli (66), Vesino (79), Suso (79), Konti (89), Galyardini (90).
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Osiyo kubogi: O‘zbekistonning g‘alabasiga xorijdan qanday munosabat bo‘lmoqda?
O‘zbekiston U-23 terma jamoasi Indoneziyani mag‘lub etib, final va Parij Olimpiadasi yo‘llanmasini qo‘lga kiritdi
Shavkat Mirziyoyev: Jahonda investorlar uchun mislsiz kurash ketyapti
Olmaotada o‘likxona qo‘riqchisi jasadlarni zo‘rlaganlikda gumon qilinmoqda
Prezident Olimpiadaga yo‘llanma olgan futbolchilarga tabrik yo‘lladi
Toshkentda «prava» olib berish bilan bog‘liq firibgarlik holatlari fosh etildi
Orol dengizi bo‘yida mobil aloqa va internet tarmog‘i ishga tushirildi