O‘zbekiston milliy terma jamoasi kecha Paxtakor markaziy stadionida, minglab ishqibozlar qarshisida Yaman terma jamoasi ustidan g‘alabani tantana qildi.
Bayramona ruhda o‘tgan uchrashuvdan so‘ng terma jamoa darvozabonlar murabbiyi Denis Ivankov fikr va mulohazalari bilan o‘rtoqlashdi. Ma’lumot o‘rnida aytib o‘tish joiz tajribali mutaxassis bosh murabbiy Vadim Abramov bilan uchinchi bor birga ishlamoqda. Bundan avval ikki bor olimpiya terma jamoasida Abramovga ko‘maklashgan.
- Denis Aleksandrovich g‘alaba bilan tabriklaymiz. Dastlab Yaman terma jamoasiga qarshi kechgan o‘yin haqida. Sizningcha terma jamoamiz nimaning hisobiga g‘alabaga erishdi?
- To‘g‘risi Yaman kuchsiz va bo‘sh o‘ynadi. O‘ylashimcha bizning yigitlar yaxshi tayyorgarlik ko‘rishdi va ularga imkoniyat qoldirishmadi. Muxlislar qatori biz ham mamnunmiz.
- Mazkur yig‘inga chaqirilgan uchinchi darvozabon Abdumavlon Abdujalilov kimning qaroriga muvofiq taklif etildi?
- Abdumavlonni Vadim Abramov taklif qildi.
- Odatda yirik hisob qayd etilgan bahslarda g‘olib jamoani kamchiliklari sezilmaydi. Uchrashuv davomida terma o‘yinida xatolarni payqadingizmi? Shuningdek shogirdingiz Eldor Suyunovga bu o‘yinda deyarli yumush topilmadi..
- Xato va kamchiliklar doim bo‘lgan. Yo‘l qo‘yilgan kamchiliklarni to‘g‘irlaymiz va ularni ustida yana ishlaymiz. Ha, Eldorga himoyachilar ish qoldirmadi.
- Falastin bilan uchrashuvdan so‘ng jamoada kayfiyat tushgan edi. Futbolchilarni murabbiylar shtabi bilan birgalikda qanday ruhlantirdinglar?
- Mashg‘ulotlar jarayonida va o‘yindan avval, biz hammamiz vatan sha’ni uchun maydonga tushayotganimizni ta’kidladik. Yigitlar aytganlarimizni to‘g‘ri tushundi.
Abdulaziz suhbatlashdi
Manba: championat.asia “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
U-23 Osiyo kubogi. Norchayev finalda gol ursa, to‘purar bo‘lishi mumkin
Prezidentning yangi qarori bo‘yicha ma’lumot berildi
Gruziya poytaxtida namoyishchilar va politsiya o‘rtasida to‘qnashuv yuz berdi
NATO rahbari: “Ukrainaga bergan va’damizni bajarmadik”
Sharmandaga shahar keng
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Xorazmda Eron korxonalari uchun alohida sanoat zonasi tashkil etilyapti