Saudiya Arabistoni "Ko‘rfaz Kubogi" finaliga chiqdi

Qatarda bo‘lib o‘tayotgan "Ko‘rfaz Kubogi" musobaqasining finalchilari ma’lum bo‘ldi. JCh-2022 saralashdagi raqibimiz Saudiya Arabistoni yarim finalda Qatarni 1:0 hisobida mag‘lub etib finalga yo‘l oldi. Uchrashuvdagi yagona gol Abdulla Al Hamdan tomonidan kiritildi.

Ikkinchi yarim final Iroq va Bahrayn o‘rtasida kechib, bunda 2:2 hisobi qayd etildi. Shundan so‘ng navbat penaltilar seriyasiga berildi va Bahrayn terma jamoasi 5:3 hisobida zafar quchdi. 8 dekabr kuni bo‘lib o‘tadigan final o‘yinida Saudiya Arabistoni Bahraynga qarshi bahs olib boradi.

Manba: championat.asia