14:46 / 23.01.2015
4 874

Eron iroda ko‘rsatdi, ammo...

Eron iroda ko‘rsatdi, ammo...
Musobaqaning eng qiziq uchrashuvi nihoyasiga etdi. Eron terma jamoasi katta irodani ko‘rsatgan bo‘lsada, yarim finalga omadi kelgan Iroq yo‘l oldi.

O‘yin teng kurashlar ostida boshlandi. 25- daqiqada eronliklarning umidli hujumchisi Sardor Azmun boshi bilan zarba yo‘llab hisobni ochdi. Shundan so‘ng jamoalar darvozalarga xavf solib turishdi. Birinchi bo‘lim oxirlarida, aniqrog‘i 43-daqiqada Po‘ladiy Iroq darvozaboni bilan birga bir vaziyatda to‘pga ulgura olmadi va Hassanni oyoqlari bilan turtib yubordi. Bu Iroq termasi posboniga yoqmadi va o‘rnidan turib, Po‘lodiyga norzoziligini uning ko‘kragiga turish bilan ko‘rsatdi. Po‘lodiy esa o‘zini maydonga tashladi va og‘ir zarba olganday uzoq yotdi. O‘rnidan turganidan so‘ng avstraliyalik hakamning qo‘lida qizil kartochkani ko‘rdi.

Ikkinchi bo‘limning dastlabki 5 daqiqasida bir kishi ko‘p harakat qilayotgan iroqliklar ikki marta yaxshi vaziyatga ega bo‘ldilar, ammo ikki safar ham Haqiqiyning mahorati to‘pni darvozadan joy olishiga to‘sqinlik qildi.

Bir kishi kam bo‘lishiga qaramay g‘alaba qozonish nima ekanligini yaxshi bilgan eronliklar ham qarshi hujum uyushtirib turdilar. 55-daqiqada qanotdan boshlangan g‘ujumni yana o‘sha Sardor Azmun o‘zi nihoyaga etkazib qo‘yishga urindi va noaniq zarba berib, sheriklarining noroziliga sabab bo‘ldi. Shu vaziyatdan so‘ng qarshi hujumga o‘tgan Iroq terma jamoasi hisobni tenglashtirdi. Chap qanotda pastlatib uzatilgan to‘pga Yunus Mahmud ulgurmadi, ammo undan keyinroqda turgan Ahmad Yosin to‘pni o‘ziga to‘g‘rilab oldi va Haqiqiyning oyoqlari orasidan o‘tkazib, hisobdagi muvozanatni tikladi.

Uchrashuvning asosiy vaqti 1:1 hisobi bilan tugadi. Ekstra-taymning 3 daqiqasida Iroq hujumi gol bilan tugadi. Chap qanotdan oshirilgan to‘p eronlik himoyachilaridan o‘tib Yunus Mahmudga o‘tib keldi, iroq faxriysi maydondan uncha balandda kelmagan to‘pni boshi bilan davrozaga joylab qo‘ydi.

Qo‘shimcha vaqtning birinchi bo‘limi yakuniga etay deb qolganda, taslim bo‘lmagan eronliklar burchak to‘pini tepishga muvaffaq bo‘ldilar. Burchakdan chiqarilgan to‘pni Murtazo Puraliganjiy bosh bilan qanday o‘ynash kerakligini hammaga ko‘rsatib, darvozaga kiritdi va xursandchiligini eronlik muxlislar quchog‘ida nishonladi.

115-daqiqada xuddi o‘sha Puraliganjiy jarima maydonchasiga o‘qday otilib kirgan Yosir osimning oyoqlari ostiga tashlanib, o‘z darvozasiga penalti belgilanishiga sabab bo‘ldi. Pnaltini Durg‘am Ismoil aniq bajarib iroqliklarni yana oldinga olib chiqdi.

Ammo bu hali hammasi emas edi. Ekstra-taym tugishiga bir daqiqa qolganda eronliklar yana burchak to‘pi ishlab olishdi. Burchak to‘pi tepildi, eronliklarning birinchi zarbasi himoyachiga tegib qaytdi, ikkinchisi darvoza to‘siniga tegib qaytdi va uni Rizo G‘uchchanajod boshi bilan darvozaga yo‘lladi - 3-3.

Penaltilar seriyasida Iroqning qo‘li baland keldi 7-6.

Hajsafiy - noaniq
Abdul Amir - noaniq
Puraliganjiy - gol
Volid Salim - gol
Nekunam - gol
Durg‘am Ismoil - gol
Hussayniy -gol
Ali Adnan - gol
G‘ofuriy - gol
Yunus Mahmud - gol
Jahonbaxsh - gol
Yosir Qosim - gol
Majid Nosir - gol
Hussayn - gol
Amiriy - darvoza ustuni

Manba: stadion.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Sport » Eron iroda ko‘rsatdi, ammo...
[/banner_pushhouse