Janubiy Koreyada beysbol mavsumi tribunalardagi “soxta” muxlislar bilan boshlandi

^{Foto: REUTERS}
Janubiy Koreyada koronavirus epidemiyasi sababli kiritilgan karantin bekor qilingandan keyin yangi beysbol mavsumi start oldi.
Katta sport muxlislarsiz qaytmoqda, biroq koreyaliklar haqiqiy o‘yin muhitini yaratishga urinib ko‘rishdi. Inchxonda mahalliy “SK Viverns” beysbol jamoasi shu maqsadda tribunalarda niqoblarda bo‘lgan muxlislar suratlari tasvirlangan ulkan bannerlarni joylashtirib chiqqan.

Hakamlar o‘yinda qo‘lqoplar va niqoblarda ishlashgan. Beysbolchilarning o‘zi esa o‘yinga niqobda chiqishgan, biroq ularga o‘yin vaqtida uni taqmaslikka ruxsat berilgan. Shuningdek, o‘yinchilarga qo‘l siqishish va tuflash taqiqlangan.

Janubiy Koreyada 8 maydan futbol bo‘yicha mamlakat chempionati ham start oladi.

Oxirgi ma’lumotlarga ko‘ra, mamlakatda koronavirusga chalinganlar soni 10810 nafarni, undan vafot etganlar 256 nafarni tashkil qilmoqda. Oxirgi bir kun ichida 4 ta yangi kasallanish va bitta o‘lim holati qayd etilgan.
“Zamin” yangiliklarini “Youtube”da kuzatib boring