Bugun Osiyo chempionlar ligasining 1/4 final bahslari bo‘lib o‘tadi. "Paxtakor" chorak final o‘yinida Eronning "Persepolis" klubiga qarshi bahs olib boradi. Quyida mazkur to‘qnashuvga oid ba’zi ma’lumotlarni keltirib o‘tamiz.
- Bungacha "Paxtakor" "Persepolis"ga qarshi uch marta maydonga tushib, birontasida ham yutqazmagan: ikkita g‘alaba va 1 durang. Jamoalar o‘rtasidagi ilk to‘qnashuv 2003 yil Toshkentda ro‘y bergan va bunda maydon egalari Anvar Soliyevning yagona goli evaziga 1:0 hisobida zafar quchishgan.
- Keyingi ikkita bahs o‘tgan yil ro‘y berdi va "Paxtakor" o‘z maydonida 1:0 hisobida g‘alaba qozonib, safarda 1:1 natijasini qayd etdi.
- "Paxtakor"ga qarshi 3 bor maydonga tushgan "Persepolis" "sherlar" darvozasiga atigi 1 bor to‘p kiritgan.
- OCHL pley-off bosqichlarida Eron klublari O‘zbekiston jamoalariga qarshi shu paytgacha 4 marta o‘yin o‘tkazgan. Va shundan bittasida fors klubi keyingi bosqichga yo‘l olgan. Bu voqea 2011 yilgi musobaqa 1/8 finalida "Sepaxon" - "Bunyodkor" bahsida ro‘y bergan.
- Bu "Persepolis" uchun uchinchi chorak final bo‘ladi. Shuningdek, Eronning boshqa bir klubi "Sepaxon" ham bungacha uch marta chorak finlda to‘p tepgan.
- "Paxtakor" ham o‘z tarixida uchinchi marta chorak finalga chiqdi va bu borada "Bunyodkor"ga yetib oldi.
- Har ikki jamoa o‘z darvozasi daxlsizligini 4tadan o‘yinda saqlab qoldi va bu G‘arb mintaqasi klublari orasidagi eng yaxshi ko‘rsatkich bo‘lib turibdi. "Persepolis" oxirgi beshta o‘yinida o‘z darvozasidan faqat bitta gol o‘tkazgani ham e’tiborga molik.
- "Paxtakor"ning avvalgi bosqichda eng yaxshi o‘yin ko‘rsatgan futbolchisi Hojiakbar Alijonov bo‘ldi.
- "Persepolis" safida dastlabki uch o‘yinda faqat bitta gol urgan 72-raqamdagi Isa Al Kasir oxirgi ikkita bellashuvda 2 bor to‘p kiritdi. Bu hujumchidan ham "Paxtakor"ning juda ehtiyot bo‘lishi kerak bo‘ladi.
Manba: championat.asia “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Messi “dahshatli” ko‘rsatkich qayd etdi (video)
“Xufyona iqtisodiyotga qarshi kurash illyuziyasi” — Soliq qo‘mitasining rejalari nega tanqidga uchradi?
Ukraina AQSHdan birinchi navbatda MQ-9 dronlarini yetkazib berishni so‘ramoqda
AQSH Ukrainaga yana 50 mlrd dollar ajratishni taklif qildi
Ikki toifa odamlar bor: ular hech nimani qo‘lga kirita olmaydi
Kecha O‘zbekiston olimpiya terma jamoasiga g‘alaba uchun nima yetishmadi?
