Yozgi transferlar arafasida mavsumda o‘zini ko‘rsata olgan futbolchilar atrofida transfer xabarlari ko‘p bo‘lishi tabiiy hol. Kuni kecha, Eldor Shomurodovga “Milan” qiziqayotgani va ushbu jamoa muxlislarining bu xabarga munosabatini e’lon qilgan edik.
Italiyaning eng qadimi klubining eng talabchan muxlislari – genuyalik ishqibozlar ham Shomurodov transferini muhokama qilmoqda. E’tiborli tomoni shundaki, ularning aksariyati o‘zbek legionerining ketishi “Jenoa” uchun katta yo‘qotish bo‘lsa-da, Eldor o‘ziga beriladigan imkoniyatdan foylanib, grand klubga o‘tishi kerakligini ta’kidlamoqda.
E’tiboringizga “Jenoa” muxlislarining klubning ijtimoiy tarmoqlarda Shomurodov transferi bo‘yicha bildirayotgan eng sara fikrlarini havola etamiz.
Andrea Ugolini: Endi o‘zini ko‘rsata boshlagan Eldor Shomurodovning darrov top-klubga o‘tib ketishidan afsusdaman. Lekin “Milan” Eldor uchun juda zo‘r imkoniyat! Bu katta pullar, Chempionlar ligasi va butun dunyo muxlislarining e’tiborini bildiradi.
Mauro Angelini: “Jenoa”da iste’dodli o‘yinchi paydo bo‘lsa, mening jahlim chiqadi. Chunki, ertami kechmi uni boshqa klubga olib ketib qolishlarini bilaman. “Jenoa” uchun o‘z yetakchilarini sotib yuborish odatiy hol. Bunga Pyontek, Milito, Rovella, Lakshalt va El-Shaarvini misol qilish mumkin. Lekin Eldorga gap yo‘q!
Claudio Sabattini: Shomurodovning transferidan qancha foyda olishimiz mumkinligi meni juda qiziqtirmoqda...
Attilio Giunchi (Claudio Sabattini fikriga javoban): Eng muhimi, 35 million yevroga sotilgan Pyontekdan farqli ravishda Shomurodov “Milan”da o‘ynab keta olishi kerak. Bu biz uchun o‘ta manfaatli bo‘ladi. O‘zbek futbolchisi ularning tarkibida zo‘r o‘ynasa, “Milan” bizga katta-katta bonuslar to‘lashga majbur bo‘ladi.
Salvatore Carpinteri: Shomurodovni qo‘yib yuborishga shoshilmasligimiz kerak. U endi ochila boshladi. Agar uni hozir transfer qilsak, bu bizga 10-15 million yevro keltiradi. Agar Eldor keyingi mavsumni ham kuchli o‘tkazadigan bo‘lsa, bir yildan so‘ng, transfer summasi kamida ikki barobar oshadi.
Stella Murru: “Milan”ga Mario Manjukich va Zlatan Ibrohimovich o‘rniga hujumchi kerak. Biz esa Eldorning transferidan mo‘may daromad olishimiz mumkin.
Vincenzo D'Errico: Agar “Milan” bu transferni amalga oshirsa, zo‘r o‘yinchi va uzoqdagi Osiyo mamlakatidan o‘n millionlab yangi fanatlarga ega bo‘ladi.
Martha Lanata: Shomurodov “Milan”da o‘z iste’dodini ko‘rsata olmagan Pyontekning taqdirini takrorlamaydi, deb umid qilaman. Eldor bizga o‘zimizning futbolchi bo‘lib qoldi, lekin men u grand klublarda yanada yorqinroq porlashi tarafdoriman! “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina harbiy bo‘linmalari Xarkiv viloyatidagi yangi pozitsiyalarga o‘tkazildi
Erdo‘g‘on davlat to‘ntarishi ehtimoli sababli tunda favqulodda yig‘ilish o‘tkazdi
Surxondaryo viloyatida ayiq IIB xodimiga jarohat yetkazdi
D vitamini dozasini oshirib yuborishning xavfli oqibatlari
Kolumbiya prezidenti Netanyaxuni hibsga olishga chaqirdi
DXX noqonuniy qurol saqlash holatlarini aniqladi
«Asr jangi»: Fyuri va Usik og‘ir vaznda mutlaq jahon chempioni unvoni uchun jang qiladi
Matbuot Putinning so‘nggi qarori ortida xosiyatsizlik ko‘rdi
