Niderlandiya terma jamoasi joriy yilgi Yevropa chempionatida yaxshi ishtirok etmoqda. "Lolalar" yurti vakillari guruh bosqichida kerakli ochkolarni jamg‘argan holda keyingi raundga yo‘llanma oldi. Frank de Bur shogirdlari ertaga 1/8 final doirasida Chexiyaga qarshi maydonga chiqadi. Xo‘sh Niderlandiya turnirda qay darajada uzoqqa bora oladi? Biz bu borada "Paxtakor"ning niderlandiyalik murabbiyi Piter Xyuistraning fikrlari bilan qiziqdik.
Guruh bosqichida Ukraina, Shimoliy Makedoniya va Avstriya bilan to‘qnash kelgan Niderlandiya yuz foizlik natija bilan birinchi o‘rinni egalladi. Musobaqani Ukrainaga qarshi 3:2 hisobidagi qiyin g‘alaba bilan boshlagan terma jamoa keyingi ikki o‘yinda Avstriyani 2:0, Shimoliy Makedoniyani esa 3:0 hisobida taslim qildi.
"Niderlandiyaning guruhi kuchli emasdi. Uchta yengilroq raqiblar bilan o‘ynadi. To‘g‘ri musobaqani qiyin g‘alaba bilan boshladi. Lekin bu jamoaning birlashishi va ishonchini ortishiga olib keldi. Turnir davomida yanada yaxshi o‘ynashi mumkin. Men bunga ishonaman.
Buyog‘iga hamma narsa bitta o‘yinda hal bo‘ladi. Bunday mas’uliyatli uchrashuvlarda kichik elementlar ham ta’sir qiladi. Oson raqiblar qolmadi. Masalan Portugaliya amaldagi chempion, Germaniya mag‘lubiyat bilan boshlaganiga qaramay qiyin vaziyatdan chiqib keta oldi. Chexiya ham istalgan jamoani yutishi mumkin",- deydi Piter Xyuistra.
Xabaringiz bor, musobaqadan oldin ko‘pchilik Frank de Burning 3-5-2 taktikasiga qarshi chiqayotgan edi. Hattoki birinchi turdan o‘rin olgan Ukrainaga qarshi o‘yindan oldin muxlislar tomonidan samolyot orqali “Frank, faqat 4-3-3” yozuvi tushirilgan banner orqali maslahat ham berishgandi. Biroq de Bur 3-5-2da qolishini aytgandi. Ushbu vaziyatga Piter Xyuistra quyidagicha munosabat bildirdi.
"Yevropa chempionatidan oldin Fransiyani eng kuchlisi, deb o‘ylagandim. Biroq Italiya yorqin o‘yini bilan ko‘pchilikka manzur bo‘lmoqda. Balki ular ertaroq sport formasiga kirib olishgandir. Italiya yaxshi pressing qilmoqda, o‘yini to‘liq nazoratiga olyapti. "Paxtakor" ham shunday uslubda o‘ynaydi.
Frank De Burning taktikasiga musobaqadan oldin men ham qarshi edim. Unda katta mas’uliyat bor. Murabbiyning taktikasi kuchli raqiblar bilan o‘yinda qanchalik samara berishini endi ko‘ramiz",- deydi Piter Xyuistra.
Abdulaziz Iskandarov yozib oldi
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Peskov: Maxsus harbiy operatsiya Rossiya maqsadlariga erishish bilan yakunlanishi kerak
Putin rossiyaliklarga murojaat qildi: “Barcha rejalashtirilgan maqsadlarga erishiladi”
Bayden Isroilning Eron yadroviy inshootlariga zarba berishini qo‘llab-quvvatlamasligini bildirdi
Husiylar Tel Avivning chekka hududlariga hujum qildi
Selena Gomes o‘zining milliarderlik maqomiga munosabat bildirdi
HAMAS Tel-Avivdagi terakt uchun mas’uliyatni o‘z zimmasiga oldi
Mikroto‘lqinli pechda ovqat isitish sog‘liq uchun zararlimi?
Rossiya armiyasi Ukrainaning «qal’a shahri» Vuhledarni egalladi
