PSJ Messini qo‘lga kiritish uchun harakatni boshlab yubordi

PSJ hali ham argentinalik hujumchi Lionel Messini sotib olish fikridan qaytmayapti. Italiyalik jurnalist-insayder Janluka Di Marsio tarqatgan xabarga ko‘ra, parijliklar allaqachon Messining vakillari bilan bog‘lanishgan. Yaqin vaqt ichida PSJ muzokaralarni kuchaytirishi aytilmoqda.

Qayd etilishicha, PSJ rahbariyati Messini o‘z loyihasining naqadar ajoyib ekaniga ishontirishga umid qilmoqda.

Eslatib o‘tamiz, "Barselona" moliyaviy muammolar tufayli Messi bilan yangi shartnoma imzolay olmadi. Kataloniya klubi bu haqda o‘zining rasmiy saytida ma’lum qildi.