“Sherif” bosh murabbiy “Real” yulduzidan qanday sovg‘a oldi?

“Sherif” bosh murabbiyi Yuriy Vernidub Chempionlar ligasi guruh bosqichi ikkinchi turida “Santyago Burnabeu”da “Real” mag‘lub etilganidan so‘ng, mezbonlar yulduzi Luka Modrichdan sovg‘a olganini ma’lum qildi.

- Modrich o‘z futbolkasini sovg‘a qildi. Men darvozabon Andrey Lunin bilan “Zarya”da birga ishlaganman. U bizdan “Real”ga o‘tgan edi. U borib Luka bilan gaplashib berdi va ana endi qo‘limda nabiram uchun futbolka bor, - dedi Yuriy Vernidub.

Madrid shahridagi uchrashuvda Jasur Yaxshiboyev va Sebastyan Till urgan gollar Moldova klubiga 2:1 hisobida g‘alaba keltirdi. Mezbonlarning yagona javob to‘pini Karim Benzema penaltidan kiritdi. “Zamin” yangiliklarini “Telegram”da kuzatib boring