Lazizbek Mullajonov chorak finalda armanistonlik bokschiga yutqazdi va musobaqani tark etdi

^{Foto: Boks federatsiyasi matbuot xizmati}
Belgrad shahri mezbonligida o‘tayotgan boks bo‘yicha Jahon chempionatining 2 noyabr kungi bahslari bo‘lib o‘tmoqda.

+92 kg vazn toifasida O‘zbekiston sharafini himoya qilayotgan Lazizbek Mullajonov armanistonlik David Chaloyanga qarshi ringga ko‘tarildi. Teng kurashlar ostida o‘tgan bahs 3:2 Chaloyanning g‘alabasi bilan yakunlandi.

Mullajonov bundan avvalgi bosqichlarda eronlik Amiri Puria va angliyalik Delisius Oredan ustun kelgandi.

Bugun yana ikki nafar o‘zbekistonlik bokschi o‘z jangini o‘tkazadi.

-63,5 kg: Mujibillo Tursunov — Endi Kruz (Kuba) – 22:55 dan keyin;
-92 kg: Madiyor Saidrahimov — Lyuis Uilyams (Angliya) – 00:40 dan so‘ng.

Avval Hasanboy Do‘stmatov, Shohjahon Abdullayev, Mirazizbek Mirzaxalilov, Shahram G‘iyosov, Shahobiddin Zoirov, Asadxo‘ja Mo‘ydinxo‘jayev, Odiljon Aslonov, Nodirjon Mirzahmedov va Saidjamshid Ja’farov kabi o‘zbekistonlik bokschilar Jahon chempionatini tark etgandi. “Zamin” yangiliklarini “Facebook”da kuzatib boring