Boks bo‘yicha JCH. Madiyar Saidrahimov yarimfinalda!

^{Foto: O‘zbekiston boks federatsiyasi}
Belgradda o‘tayotgan boks bo‘yicha jahon chempionatida chorakfinal bahslari yakunlandi.

-92 kg vaznda o‘zbekistonlik Madiyar Saidrahimov britaniyalik Lyuis Uilyamsga qarshi ringga ko‘tarilib, 5:0 hisobida g‘alaba qozondi va yarimfinalga yo‘l oldi.

Saidrahimov finalga chiqish uchun 4 karra jahon va 2 karra Olimpiada chempioni, kubalik Xulio Sezar La Kruz bilan to‘qnash keladi.

Shunday qilib, turnirga 13 bokschi bilan borgan O‘zbekiston terma jamoasining faqat 2 nafar vakili yarimfinalga chiqib, medalni naqd qildi. Bungacha -60 kg vaznda Abdumalik Halokov ham chorakfinaldan muvaffaqiyatli o‘tgandi. “Zamin” yangiliklarini “Telegram”da kuzatib boring