Jahon futboli transferlarga ixtisoslashgan mashhur Transfermarkt portali Italiya chempionati A Seriyasida o‘ynayotgan 1995 yilda tug‘ilgan eng qimmat futbolchilar ramziy terma jamoasini tuzib chiqdi.
Ushbu terma jamoaning hujum chizig‘idan Eldor Shomurodov ham joy oldi. Hamyurtimiz o‘tgan yili Italiya chempionati vakili “Jenoa”ga ko‘chib o‘tganida mazkur portal uni 6,5 million yevroga baholagandi. Biroq, ushbu saytda Genuya klubi o‘zbek hujumchisi transferi uchun Rossiyaning “Rostov” jamoasiga turli bonuslar bilan birga jami 9 million yevro to‘lagani aks etgan.
Shomurodovning debyut mavsumida uning summasi 500 ming yevroga ko‘tarilib, shu yilning yozida ham 7 million yevroni tashkil qilgan edi.
Genuya klubida A Seriyada 31 ta uchrashuvda qatnashib, sakkizta gol urgan Eldorni yozgi transferlar davrida Joze Mourino bosh murabbiyligidagi “Roma” 17,5 million yevro evaziga o‘z safiga qo‘shib oldi. Shunga qaramay, anchagacha portal bazasida Shomurodovning transfer summasi 7 million yevroligicha qoldi.
Joriy yilning 14 oktabr kuni Transfermarkt portali Italiya chempionatida to‘p tepayotgan futbolchilar reytingini yangiladi. A Seriyada faoliyat ko‘rsatayotgan futbolchilarning 121 nafarida narx ko‘tarilishi kuzatildi.
Eldor Shomurodovning transfer summasi ikki baravar oshib, 14 million yevroga yetgani sayt mutasaddilari tomonidan e’lon qilindi. Shu tariqa, “Roma”dagi futbolchimiz O‘zbekiston futboli tarixidagi eng qimmat o‘yinchiga aylandi.
Eldor Shomurodov joriy mavsumda A Seriyada o‘nta uchrashuvda maydonga tushib, raqiblar darvozasiga bitta gol urdi va jamoadoshlariga uchta golli pas oshirdi. Shuningdek, uning hisobida Konferensiyalar ligasida “Trabzonspor” darvozasiga kiritilgan bitta to‘p va bir juft assist ham bor.
Yana bir e’tiborga molik jihat shundaki, Eldor 1995 yilda tug‘ilgan futbolchilar ramziy terma jamoaga kiritilgan o‘yinchilar orasida transfer summasi eng arzoni hisoblanadi.
Ushbu jamoa darvozasiga “Milan” sharafini himoya qilayotgan fransiyalik posbon Mayk Menyan (25 million yevro) tanlandi.
Himoya chizig‘idan italiyalik Alessio Romanoli (“Milan”, 20 million yevro), niderlandiyalik Rik Karsdorp (“Roma”, 25 million yevro) va slovakiyalik Milan Shkrinyar (“Inter”, 60 million) joy oldi.
Ushu ro‘yxatga kiritilgan eng qimmatbaho fubolchi “Latsio” yarim himoyachisi Sergey Milenkovich-Savich hisoblanadi. Uning transfer summasi bugungi kunda 70 million yevroni tashkil qilmoqda. Serbiyalik futbolchi bilan birga maydon markaziga meksikalik Irving Losano (“Napoli”, 45 million yevro), kamerunlik Andre Zambo-Angissa (“Napoli”, 25 million yevro), fransiyalik Adriyen Rabo (“Yuventus”, 30 million yevro), urugvaylik Naytan Nandes (“Kalyari”, 20 million yevro) qo‘yildi.
Hujum chizig‘ida Eldor Shomurodovga sherik sifatida “Napoli”ning italiyalik forvardi Andrea Petanya kiritildi. Uning transferi 15 million yevroga baholanmoqda.
Eldor Shomurodov ayni paytda O‘zbekiston milliy terma jamoasi o‘quv-mashg‘ulot yig‘inida ishtirok etmoqda. Srechko Katanes bosh murabbiylik qilayotgan jamoamiz 15 noyabr kuni safarda Gruziya terma jamoasi bilan xalqaro o‘rtoqlik uchrashuvi o‘tkazadi.
O‘zbekiston va Gruziya futbolchilari 2017 yili Birlashgan Arab Amirliklarida ham o‘rtoqlik o‘yinida kuch sinashgan. Mazkur bahsda 2:2 hisobida qayt etilgan va raqib darvozasiga har ikki golni Eldor Shomurodov urgan edi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Borrel YEIning Isroil bilan muloqotini to‘xtatishni taklif qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Blinken Isroildan uchta muammoni hal etishni talab qildi
Erdo‘g‘on Turkiya Isroil bilan aloqalarini uzganini ma’lum qildi
Sirdaryoda YTH sodir etgan haydovchidan pul olgan YPX xodimi qamaldi
Revanshda g‘alaba qozonish uchun Tayson Fyuriga nima kerak?
