“Roma” A Seriyaning navbatdagi turida “Sassuolo” mehmoni bo‘lib, uch ochkoli o‘yinda bazo‘r mag‘lubiyatdan qutilib qoldi. Biz uchun ahamiyatlisi, Mourino tanqidiga uchraganidan keyin bir necha o‘yinda zaxirada qoldirilgan Eldor Shomurodov 20 daqiqadan ko‘proq to‘p tepgani bo‘ldi. Har holda hamyurtimiz zaxira o‘yinchisi maqomiga qaytdi.
Uchrashuvdan keyin Joze Mourino yana tilini tiya olmadi. Bu gal portugaliyalik mutaxassis jurnalistlarni tanqid qildi.
- Agar siz 90-daqiqagacha yutqazib, keyin durangga erishsangiz, hissiyotlar biroz boshqacha bo‘ladi. Avvalroq, menga durang bo‘ladi, deyishganida buni qabul qilmasdim. Bu galgi holatdan kelib chiqib, katta minnatdorlik bildirishim kerak. So‘nggi to‘rtta uchrashuvdan sakkiz ochko oldik, ko‘proq bo‘lishi ham mumkin edi.
Men statistikani o‘zgartirish uchun o‘n daqiqa yetarli, deb hisoblamayman. Marash Kumbulla ancha barqaror va sifatli o‘ynadi. Birinchi bo‘limda Rik Karsdorp va Matias Vinaga to‘p tushganida tartibli o‘yin namoyish qila olmadik. Ikkinchi bo‘limda bosimni oshirdik, g‘alaba uchun kelgan bo‘lsakda, bir ochko ishladik.
Jurnalistlarning yozayotganlarining kichik qisminigina inkor qila olmayman. Qolgani jurnalistikaning beshinchi darajasidagi uydirmalar. Jamoamiz birdamlik jihatidan yengilmasdir. O‘yinchilar va Mourino yomon, deyish mumkin, jamoa bahamjihatdir.
Maydonda o‘yinchilarda ishtiyoq bo‘lish kerak. Serjiu Oliveyra va Lorenso Pellegrini birinchi marta birga o‘ynadi. Bittasi yaqinda kelgan, ikkinchisi endi jarohatdan tiklaydi. Ular sifatli o‘yinchilar.
Endi o‘yinimizni kuchaytirib, Konferensiyalar ligasida yaxshi natija uchun harakat qilamiz, - dedi Joze Mourino.
Ma’lumotlarga qaraganda, Mourinoning jurnalistlarni tanqid qilishi bejiz emas. “Inter” bilan bo‘lgan uchrashuvdan keyin tanqidga uchragan ayrim o‘yinchilar matbuot bosimi tufayli “Roma”ni tark etish istagini bildira boshlagan.
Kristante: G‘alaba qozonishimiz shart edi
“Sassuolo” va “Roma” o‘rtasidagi uchrashuvda rimliklarni mag‘lubiyatdan qutqarib qolgan gol muallifi Brayan Kristante bahs haqida o‘z fikr-mulohazalarini bildirdi.
- Durangning ahamiyati yo‘q, biz g‘alaba qozonishimiz shart edi. Biz mag‘lubiyatdan qutilib qoldik, lekin bu yetarli emas. Bizga nimadir yetishmayapti. Hech qachon taslim bo‘lmaymiz va ko‘proq mehnat qilishimizga to‘g‘ri keladi. Muxlislarimiz bizni zo‘r qullab-quvvatlayapti, bunga javoban ko‘proq narsaga erishish lozim, - dedi Brayan Kristante.
26 yoshli futbolchi asli “Milan” tarbiyalanuvchisi hisoblanadi. Faoliyati davomida “Benfika”, “Palermo”, “Peskara”, “Atalanta” kabi jamoalarda ham to‘p tepgan Brayanni “Roma” 2019 yil yozda 22 million yevro evaziga o‘z safiga qo‘shib olgan.
Kristante joriy mavsumda barcha turnirlarda 31 ta uchrashuvdan maydonga tushib, uchta gol va bitta assist muallifi bo‘ldi.
Yana ozroq sabr kerak
Italiya terma jamoasi safida Yevropa chempionligini qo‘lga kiritgan Leonardo Spinatssola yozda olgan jarohatidan qutilgani yo‘q.
O‘tgan yilning noyabr oyida mashg‘ulotlarga qaytishi aytilgan tajribali himoyachining jarohati tiklangani yo‘q. Spinatssolaning jarohatini operatsiya qilgan finlyandiyalik jarroh Lasse Lempaynen Rimga kelib, mijozini tibbiy ko‘rikdan o‘tkazdi.
La Gazzetta dello Sport nashrining yozishicha, Leonardo bir-bir yarim oydan keyin mashg‘ulotlarni kuchaytirishiga ruxsat beriladi. Avvalroq, “Roma” himoyachisi kelasi mavsum maydonga qaytishi aytilgan edi.
28 yoshli Spinatssola professional faoliyati davomida “Empoli”, “Yuventus”, “Virtus Lanchiano”, “Siyena”, “Atalanta”, “Vichensa”, “Perudja” kabi klublarda o‘ynagan. “Roma” tajribali himoyachini 2019 yilning yozida “Yuventus”dan 29,5 million yevroga transfer qilgan edi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Kreml Ukraina bo‘yicha muzokarada shartlar qo‘yishga urinmoqda
