Osiyo Kubogi—2023. O‘zbekiston terma jamoasi joy olgan guruh taqvimi

^{Foto: O‘FA}
Xitoyda bo‘lib o‘tadigan Osiyo Kubogi—2023 musobaqasining 3-saralash bosqichidagi C guruhi o‘yinlari O‘zbekistonda bo‘lib o‘tadi. 24 fevral kuni saralash o‘yinlariga qur’a tashlandi va O‘zbekiston milliy terma jamoasi o‘rin olgan C guruhi taqvimi e’lon qilindi.

O‘zbekiston saralash bosqichidagi dastlabki o‘yinini 8 iyun kuni Shri-Lankaga qarshi bahs bilan boshlaydi. 11 iyun kuni Maldiv orollariga qarshi o‘ynasa, 14 iyunda Tailandga qarshi maydonga tushadi.

C guruhidagi barcha uchrashuvlar Namangandagi «Markaziy» stadionida o‘tkazilishi rejalashtirilgan.

Osiyo Kubogi—2023
3-saralash bosqichi
C guruhi

8 iyun
O‘zbekiston — Shri-Lanka
Tailand — Maldiv orollari

11 iyun
Shri-Lanka — Tailand
Maldiv orollari — O‘zbekiston

14 iyun
O‘zbekiston — Tailand
Maldiv orollari — Shri-Lanka

JCH—2022 va OK—2023 qo‘shma saralashining ikkinchi bosqich natijalariga ko‘ra, 12 ta terma jamoa va mezbon Xitoy Osiyo Kubogining final bosqichiga yo‘llanma olgan. 3-saralash bosqichida har bir guruh g‘olibi va eng yaxshi ko‘rsatkichga ega beshta ikkinchi o‘rin sohibi Osiyo Kubogi yo‘llanmasiga ega chiqadi.

Osiyo Kubogi 2023 yilning 16 iyunida start oladi.

Eslatib o‘tamiz, O‘zbekiston milliy terma jamoasi JCH—2022 va OK—2023 qo‘shma saralashining ikkinchi bosqichida D guruhida ikkinchi o‘rinni olgandi. O‘zbekiston eng yaxshi ikkinchi o‘rinlar qatoriga kira olmagan va JCH—2022 uchinchi saralash bosqichi bilan birga OK—2023 ga to‘g‘ridan-to‘g‘ri yo‘llanmadan quruq qolgandi. “Zamin” yangiliklarini “Vkontakti”da kuzatib boring