16 yoshli hindistonlik grossmeyster jahon chempioni Magnus Karlsenni magʻlub etdi

^{Foto: «The New York Times»}
Hindistonlik 16 yoshli grossmeyster shaxmat boʻyicha 5 karra jahon chempioni Magnus Karlsenni magʻlubiyatga uchratdi.

Champions Chess Tour turnirlar seriyasi doirasidagi Airthings Master onlayn-musobaqasida 16 yoshli Rameshbabu Pragnanandha 39-yurishda norvegiyalik shaxmatchini magʻlub etdi. Qayd etib oʻtish oʻrinli, Rameshbabu 12 yosh, 10 oy-u 8 kunlik vaqtida grossmeysterga aylangan.

Airthings Master musobaqasi 19 fevraldan 26 fevralga qadar davom etdi va unda Magnus Karlsen chempionga aylandi. Karlsen finalda rossiyalik grossmeyster Yan Nepomnyashiyga qarshi dona surdi va gʻalaba qozondi.

Ma'lumot uchun, ushbu nufuzli musobaqada rapid yoʻnalishi boʻyicha amaldagi chempion, oʻzbekistonlik Nodirbek Abdusattorov ham ishtirok etdi. Nodirbek musobaqa doirasida yana bir bor Karlsen bilan oʻynab, durangga imzo chekdi.

Eslatib oʻtamiz, 2021 yilning dekabr oyida Varshava shahrida shaxmatning blits va rapid yoʻnalishlari boʻyicha jahon chempionatida 17 yoshli Nodirbek Abdusattorov Magnus Karlsenni magʻlubiyatga uchratib, yakunda rapid yoʻnalishi boʻyicha jahon chempioniga aylangan edi. “Zamin” yangiliklarini “Telegram”da kuzatib boring