Superliganing 1-turidan o‘rin olgan "Navbahor" - "Nasaf" (0:0) bahsidan keyin mehmonlar ustozi Ro‘ziqul Berdiyev fikrlarini bildirdi.
"Bugungi o‘yinda birinchi navbatda, bosimni yengishimiz kerak edi, chunki Namanganda muxlislar tomonidan bosim juda katta bo‘ladi. Bundan tashqari, Superkubok bahsida yutqazdik, shu bois yigitlarni ko‘proq ruhan tayyorlashga urindik.
Bugun ikkala jamoa ham yaqqol golli vaziyat yarata olmadi, faqat uzoqdan zarbalar bo‘ldi, xolos. Shu bois ikkala jamoa bugungi natijadan qoniqqan bo‘lsa kerak.
"Navbahor"ga qarshi o‘ylagan strategiyamiz bizga qo‘l keldi. Biz uch nafar yaqqol himoyachi bilan o‘ynadik. Rejamiz "Navbahor"ga noqulaylik tug‘dirdi, bu maydonda ochko olish oson emas. Natijadan qoniqdik deya olaman.
O‘yinimizni tashkil qilishda muammolar yo‘q, ammo vaziyatlar yaratadigan va gol uradigan futbolchi bo‘yicha qiynalyapmiz. Bizning asosiy taktikamiz 4-3-3, bu taktikada Bozorov, Nurulloyev o‘ynaydi. Ammo Superkubokda shu taktikada o‘ynadik va o‘yinimiz u qadar yaxshi chiqmadi. Shu bois bugun taktikani o‘zgartirdik, Turkiyada "Navbahor" vakillari barcha o‘yinimizga borishdi va obdon o‘rganishdi. Taktikani o‘zgartirganimiz "Navbahor"ga qiyinchilik tug‘dirdi.
Sharof Muhitdinov betob bo‘lib qolgani bois qaydnomaga kiritilmadi.
"Navbahor" juda katta ishlarni amalga oshirmoqda, maqsadlari ham yuqori. Tarkibga 10 dan ziyod yangi futbolchi qo‘shib oldi, bu o‘yinchilarni bir jamoaga aylantirish uchun biroz vaqt kerak.
"Navbahor" o‘yinini shakllantirib olsa, OCHL va sovrinli o‘rinlar uchun kurashadigan asosiy jamoalardan biri bo‘ladi", – dedi Ro‘ziqul Berdiyev.
Navbahor1, Nasaf1, Ro‘ziqul Berdiyev1, Durang1, Taktika1, Natija1 “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Rossiyada amerikalik askar o‘g‘rilikda ayblanib qo‘lga olindi
Osvensimda minglab yahudiylar «Tiriklar marshi» aksiyasini o‘tkazdi
OAV: Markaziy Osiyo davlatlari dronlar bilan qurollanmoqda
Instagram yangi turdagi «Stories» va boshqa funksiyalarni joriy qildi
Superliga. "Neftchi" o‘yinning so‘nggi daqiqasida g‘alabani qo‘ldan chiqardi
Rossiya qo‘shinlari Ukraina sharqidagi ikkita aholi punktini to‘liq egalladi
Sirdaryodagi maktabda o‘quvchilar klip tomosha qildi, sinf rahbari va direktor ishdan olindi
