Yangi Meizu M3 arzon smartfoni rasman taqdim etildi (foto)

Meizu kompaniyasi yangi M3 smartfonini taqdim etdi. Gadjet 3 gigabaytgacha tezkor xotira, shuningdek, Xitoy o‘lchovlariga ko‘ra ixcham 5 dyuymli ekranga ega. Bu haqda "Daryo.uz" xabar bermoqda.

Meilan seriyasiga kiritilgan smartfon qo‘sh quyma plastik (rangli qatlam shaffofining ustidan qoplanadi) korpus hamda toblangan 2,5D-shisha bilan himoyalangan 1280×720 pikselli ekran bilan ta’minlandi.

M3 sakkiz yadroli MediaTek MT6750 chipseti asosiga qurilgan. Tayanch modifikatsiyada 2 Gb, top modifikatsiyada esa 3 Gb tezkor xotira bo‘ladi, ichki xotira hajmi esa 16 yoki 32 gigabaytni tashkil qiladi. Unga 128 gigabaytgacha bo‘lgan hajmli microSD xotira kartasini o‘rnatish mumkin.

Meizu M3 13 megapikselli asosiy va 5 megapikselli old kameraga ega. Akkumulyatori sig‘imi 2870 mA/s. Smartfon Android bazasidagi Flyme OS qobig‘iga ega YunOS operatsion tizimida ishlaydi.