UZ hududida 28 minginchi domen ro‘yxatdan o‘tdi

UZ hududidagi domenlar soni 28 minglik ko‘rsatkichga etdi, deya xabar qildi "Gazeta.uz".

Statistik ma’lumotlarga ko‘ra, o‘sish sur’ati yil boshidan buyon 2600 tani yoki 10 foizni tashkil etdi. Mazkur davr mobaynida 6100 dan oshiq yangi domenlar ro‘yxatga olinib, 3600 tasi o‘chirildi.

Barcha domenlarning 46 foizi jismoniy shaxslarga, 89 foizi O‘zbekiston fuqarolariga tegishli. 69 foiz domen nomlari xostingga bog‘langan bo‘lsa, domenlarning yarmiga yaqini mamlakat hududiga joylashtirilgan. “Zamin”ni Telegramʻda oʻqing!