Yaponiyaning Kioto va Fukui universitetlari olimlari katta yoshli insonlarda yangidan tish o‘sib chiqishini ta’minlovchi preparat yaratdi.
Mazkur o‘ziga xos vosita organizmdagi USAG-1 genini bloklovchi antitana ishlab chiqarilishini qo‘llab-quvvatlaydi. Chunki bu gen insonlar va sut emizuvchilar turkumiga mansub jonzotlarda tish o‘sishini cheklaydi.
Tadqitotchilar ushbu jarayonga to‘sqinlik qilish maqsadida USAG-1ning tanamizdagi boshqa genlar bilan o‘zaro ta’sirini o‘rgandi, deyiladi xabarda.
Shundan so‘ng tahlil natijalari asosida ana shu o‘zaro ta’sirni bloklashga xizmat qiluvchi dori vositasi ishlab chiqildi.
Yangilik mualliflari 2024 yilda preparatni odamlarda klinik sinovdan o‘tkazishni rejalashtirmoqda.
Ularning fikricha, 2030 yilga borib, insoniyat sun’iy tish implantlarini qo‘ydirish ehtiyojidan xalos bo‘lishi mumkin.
“Zamin” yangiliklarini “Instagram”da kuzatib boring
