Italiyada oyoq o‘lchamiga moslashuvchan ko‘p yillik krossovka ixtiro qilindi

Kerakli o‘lchamdagi oyoq kiyimni tanlashda qiyinchilikka duch keladigan insonlar uchun xushxabar: Dizayner Mikele di-Karlo 3D printerda ishlab chiqariladigan krossovkalar konsepsiyasini taqdim etdi. Unga ko‘ra, poyabzal avtomatik tarzda egasining oyoq o‘lchamiga moslashadi.

^{Foto: Europaplus}
4Steps loyihasi 6 yoshdan 14 yoshgacha bo‘lgan bolalar uchun mo‘ljallangan. Endilikda ota-onalar farzandi uchun har yili yangi poyabzal sotib olishlari shart emas. Kiyganda avtomatik tarzda sozlanishi mumkin bo‘lgan krossovkalar 5 xil o‘lchamga ega. Uning did bilan ishlangan dizayni esa alohida e’tiborga loyiq.

^{Foto: Europaplus}
Bir juft krossovka vazni juda yengil — har biri 123 gramm bo‘lgani sababli poyabzal bolalar uchun qulaydir. Shuningdek, oyoq kiyim havo o‘tkazadigan maxsus yacheykali materialdan iborat.

^{Foto: Europaplus}
Mazkur krossovkalar atrof-muhit uchun ham qator afzalliklarga ega. 3D texnologiyasi ishlab chiqarish jarayonida kam energiya sarflash imkonini beradi. Uzoq yillarga xizmat qilishi kafolatlanadigan krossovka tabiatga ortiqcha chiqindi tashlanishining oldini oladi.

<sup>Foto: Europaplus

Foto: Europaplus</sup>
Mikele di-Karlo mazkur loyihani 2017 yilda Italiyada taqdim etgan edi, biroq u poyabzalga bir nechta o‘zgartirishlar kiritishga va uni yanada takomillashtirishga qaror qildi. Dizayner mazkur loyiha poyabzal sanoatida ekologik barqarorlikka olib kelishiga ishonch bildirdi. Hozircha esa, bu shunchaki konsepsiya bo‘lib qolmoqda.
“Zamin” yangiliklarini “Odnoklassniki”da kuzatib boring