Mark Tsukerberg endi Facebook va Instagramʼda faktcheking boʻlmasligini ma'lum qildi

^{Foto: AP}
Meta korporatsiyasi oʻz platformalari — Facebook, Instagram va Threads mikrobloglar servisida faktchekerlar xizmatidan voz kechadi.

Mark Tsukerbergning soʻzlariga koʻra, joriy tizim «juda koʻp xato va tsenzura mavjud nuqtaga etib kelgan». «Biz qoidalarni soddalashtiramiz va oʻz platformalarimizda soʻz erkinligini qaytaramiz», — dedi u.

Endilikda Meta platformalarida Ilon Maskka tegishli X (sobiq Twitter) ijtimoiy tarmogʻidagi kabi boshqa foydalanuvchilarning izohlari paydo boʻladi.

Bundan tashqari, foydalanuvchilarda tarmoq siyosatini buzayotgan postlar ustidan shikoyat qilish imkoniyati saqlanib qoladi. Ushbu shikoyatlar kontentni avtomatik skanerlash natijalaridan oldin hisobga olinadi.

Shuningdek, Meta «oʻz lentalarida koʻrishni istagan» foydalanuvchilar uchun siyosiy kontentlarni yashirishni toʻxtatadi.

Facebookʼda faktcheking tizimi 2016 yilda, Rossiya «trollar fabrikasi»ning AQShdagi prezidentlik sayloviga aralashuviga oid mojaro fonida paydo boʻlgandi. Faktcheking bilan Meta xodimlari emas, balki asosan professional jurnalist va muharrirlardan iborat boshqa tashkilotlar shugʻullangan. “Zamin” yangiliklarini “Facebook”da kuzatib boring