Ilon Maskning Neuralink chipi uchinchi bemorga oʻrnatildi

^{Foto: Cfoto / Global Look Press}
Amerikalik tadbirkor Ilon Maskka tegishli Neuralink kompaniyasi oʻzining uchinchi bemoriga chipini joylashtirdi. Bu haqda Mask ijtimoiy tarmoqda translyatsiya qilingan Las-Vegasdagi tadbir davomida ma'lum qildi. Uning qoʻshimcha qilishicha, kompaniya 2025 yilda yana 20-30 ta implant oʻrnatishni rejalashtirmoqda.

2024 yil avgust oyida ikkinchi bemorga Neuralink chipi muvaffaqiyatli implantatsiya qilingani haqida xabar berilgan edi. Tadbirkor soʻzlariga koʻra, ikkinchi bemordagi implantning 400 ta elektrodi toʻgʻri ishlayapti, qurilmada mingdan ortiq elektrod bor.

2024 yil yanvar oyida dunyodagi birinchi odamga miya implanti oʻrnatildi. 29 yoshli Noland Arbo umurtqa pogʻonasi shikastlangan baxtsiz hodisa oqibatida butunlay falaj boʻlib qolgan. Arbo miyasiga Neuralink chipining oʻrnatilishi natijasida u fikr kuchi yordamida kompyuterni boshqara oldi.

Kompaniya ma'lumotlariga koʻra, texnologiya oyoq-qoʻllarini ishlata olmay qolgan odamlarga yordam berish uchun moʻljallangan. “Zamin” yangiliklarini “Telegram”da kuzatib boring