Samsung CES 2025da sun'iy intellektga ega yangi monitorlarini taqdim etdi

Samsung Electronics CES 2025 koʻrgazmasida Smart, Odyssey va ViewFinity liniyalarining yangilangan monitorlarini taqdim etdi. Ushbu monitorlar sun'iy intellekt texnologiyalari bilan jihozlangan boʻlib, ulardan foydalanishni yanada qulay va samarali qiladi.

Smart liniyasidan yangiliklar
Smart Monitor M9 modeli AI Picture Optimizer funktsiyasi bilan jihozlangan. Ushbu funktsiya kontent turiga qarab (oʻyinlar, video yoki ish dasturlari) tasvir sozlamalarini avtomatik ravishda optimallashtiradi. Shuningdek, bu modelda 4K AI Upscaling Pro texnologiyasi mavjud boʻlib, past sifatdagi tasvirlarni yuqori aniqlikdagi 4K formatiga etkazadi. Monitor OLED ekran, 4K aniqlik va 32 dyuymli diagonalga ega.

Odyssey: oʻyinchilar uchun innovatsiyalar
Odyssey liniyasidan bir nechta yangiliklar kiritilgan, jumladan:

Odyssey OLED G8 — dunyodagi birinchi 27 dyuymli 4K OLED monitor. U 240 Gs yangilanish tezligi va 165 PPI piksel zichligiga ega.
Odyssey OLED G6 — 500 Gs yangilanish tezligi bilan dunyodagi birinchi OLED monitor.
Har ikki model AMD FreeSync Premium Pro va NVIDIA G-Sync texnologiyalarini qoʻllab-quvvatlaydi.
Odyssey 3D modeli esa maxsus koʻzoynaksiz 3D kontentni koʻrish imkonini beradi. Bu algoritmik sun'iy intellekt yordamida 2D tasvirni 3D ga aylantirish orqali amalga oshiriladi.

ViewFinity seriyasi: kattaroq ekran va ergonomik dizayn
ViewFinity S8 modeli 37 dyuymli, 4K aniqlikdagi ekran bilan jihozlangan. Bu monitor avvalgi modellardan 34% kattaroq boʻlib,

99% sRGB rang qamrovini ta'minlaydi.
Monitor TÜV Rheinland tomonidan ergonomik sertifikatga ega boʻlgan va koʻz himoya qilish texnologiyasi bilan jihozlangan, bu uzoq vaqt ishlashda koʻzning charchashini kamaytiradi.

Samsung CES 2025da texnologik innovatsiyalarini yana bir bor namoyish qilib, monitor sohasida etakchi oʻrnini mustahkamladi. “Zamin” yangiliklarini “Telegram”da kuzatib boring