Brauzerda inkognito rejimi nimalarni yashiradi?

Brauzerlarning aksariyatida mavjud boʻlgan "Inkognito rejimi" foydalanuvchining tashrif buyurgan veb-sahifalarini saqlamaydi. Ammo bu rejimni toʻliq maxfiy deb atash notoʻgʻri boʻladi.

Inkognito rejimi asosan quyidagi imkoniyatlarni taqdim etadi:

• Koʻrilgan sahifalar tarixi, qidiruvlar va forma ma'lumotlari saqlanmaydi.
  
• Qurilmaga kirish huquqiga ega boʻlgan boshqa foydalanuvchilar internet faoliyatingizni kuzatib borolmaydi.
  
• Seans tugashi bilan akkauntga kirish ma'lumotlari avtomatik tarzda oʻchiriladi.
  

Agar bir xil veb-saytda bir nechta akkauntingiz boʻlsa, inkognito rejimi ularga bir vaqtning oʻzida kirish imkonini beradi. Bu ijtimoiy tarmoqlar yoki boshqa xizmatlarda bir vaqtning oʻzida bir nechta akkauntni boshqarish uchun qulaydir.

Biroq, inkognito rejimi internet-provayder yoki ish beruvchingiz uchun tashrif buyurgan saytlardan xabardor boʻlishga toʻsqinlik qilmaydi. Shuningdek, u sizning IP-manzilingizni yashirmaydi, bu esa raqamli izning asosiy qismi hisoblanadi. “Zamin” yangiliklarini “Telegram”da kuzatib boring