AQSh Oliy sudi qaroriga muvofiq, 19 yanvardan boshlab TikTok qisqa videolar xizmati mamlakatda ishlashni toʻxtatdi. Shu munosabat bilan Apple ByteDance kompaniyasiga tegishli boʻlgan va App Store’dan olib tashlangan ilovalar roʻyxatini e'lon qildi.
Apple TikTok bilan bir qatorda ByteDance kompaniyasining boshqa mashhur ilovalarini ham oʻchirib tashladi. Bu ilovalar oxirgi oylarda amerikaliklar oʻrtasida ommalashgan edi. Ushbu ilovalar roʻyxatiga quyidagilar kiradi: TikTok, TikTok Studio, TikTok Shop Seller Center, CapCut, Lemon8, Hypic, Lark — Team Collaboration, Lark — Rooms Display, Lark Rooms Controller, Gauth: AI Study Companion va Marvel Snap.
Apple’ning rasmiy bayonotida aytilganidek, kompaniya faoliyat yuritayotgan yurisdiktsiyalar qonunlariga rioya qilishi shart. "Chet ellik raqiblar tomonidan boshqariladigan ilovalardan amerikaliklarni himoya qilish qonuniga binoan, ByteDance Ltd. va uning CapCut, Lemon8 kabi qoʻshimcha ilovalari AQShdagi App Store uchun mavjud boʻlmaydi", — deyiladi bayonotda.
Bundan tashqari, boshqa mamlakatlardan AQShga kelganlar uchun ham App Store hududiy cheklovlari tufayli ByteDance ilovalarini yangilash yoki ularda xaridlarni amalga oshirish imkoniyati mavjud emas. “Zamin” yangiliklarini “Telegram”da kuzatib boring
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
