Shanxayda odamsimon robotlarni tayyorlaydigan baza ochildi

^{Foto: scmp.com}
Shanxayda odamsimon robotlarni mashq qildirishga moʻljallangan Xitoydagi birinchi baza ochildi, deb xabar beradi TiCai Global portal.

«Markaz turli sohalarning robotlarini qator vazifalarni bajarishga oʻrgatadi, olingan ma'lumotdan esa robotlar intellekti darajasini keyinchalik optimallashtirish maqsadida foydalanish mumkin», — deyiladi xabarda.

Qayd etilishicha, dastlab markazga 100 ta sun'iy humanoid robot joylashtiriladi. Ular 10 dan ortiq stsenariydan foydalanilgan holda turli vazifalarga oʻrgatiladi. Olingan ma'lumotlar sun'iy intellekt modellarini ishlab chiqish bilan shugʻullanuvchi kompaniyalarga taqdim etiladi.

Avvalroq Xitoyda yugurish boʻyicha oʻtkaziladigan yarim marafonda dunyoda birinchi marta robotlar insonlarga jiddiy raqib boʻlishi toʻgʻrisida xabar berilgandi. Ushbu inqilobiy marafon aprel oyida Pekinning Daksin tumanida boʻlib oʻtishi rejalashtirilgan. Jami 12 ming ishtirokchi 13 mil yoki 21 kilometr masofani bosib oʻtishi kerak, ulardan faqat uchtasi sovrinlarni qoʻlga kiritadi.

Eslatib oʻtamiz, 2023 yilda Shveytsariyaning Jeneva shahrida sun'iy intellekt boʻyicha Butunjahon forumi doirasida birinchi matbuot anjumani boʻlib oʻtgan va unda toʻqqizta odamsimon robot ishtirok etgan edi. Oʻshanda savollarga javob berar ekan, robotlar odamlar bilan ishlash va ularga yordam berish uchun yaratilganini, odamlar ularga juda mehribon boʻlgani uchun insoniyatga qarshi isyon qilishni rejalashtirmaganini ta'kidlagandi. “Zamin” yangiliklarini “Telegram”da kuzatib boring