Apple kompaniyasi buklama smartfonlar bozoriga kirish uchun faol ish olib bormoqda va shu bilan birga o'zining iPhone 17 seriyasi uchun yangilanishlar tayyorlamoqda. Bloomberg nashrining mashhur insayderi Mark Gurmanning ma'lumotlariga ko'ra, kompaniya har ikki yo'nalishda ham sezilarli o'zgarishlarni rejalashtirmoqda.
Birinchidan, buklama iPhone haqida. Gurmanning ta'kidlashicha, Apple buklama qurilmalarning o'sib borayotgan mashhurligini inkor eta olmaydi, ayniqsa, Samsung'ning Galaxy Z Fold dizaynining muvaffaqiyatini hisobga olganda. Uning fikricha, Apple o'zining buklama telefonini 2026 yilda taqdim etadi, taxminiy narxi 2000 dollar atrofida bo'ladi. Gurmanning fikricha, bu qurilma dastlabki sotuv hajmi kam bo'lsa-da, potensial xitga aylanishi mumkin.
Tradsion iPhone qatoriga kelsak, Gurman iPhone 17'ning bazaviy modeli uchun katta yangiliklarni kutmayapti. Biroq, u asosiy kamera tizimida kichik o'zgarishlar va bazaviy modellarida ProMotion displeyining joriy etilishini taxmin qilmoqda.
Eng katta o'zgarishlar iPhone 17 Pro modellarida kutilmoqda, bu yerda uchta 48 megapikselli datchiklarga ega yaxshilangan kamera tizimi joriy etilishi mumkin. Gurmanning fikricha, bazaviy iPhone 17 modeli o'zining narx jihatidan maqbulligi tufayli Apple qatorida muhim element bo'lib qoladi. Shuningdek, u xaridorlarga yangi iPhone 17 Air modelini ko'rib chiqishni tavsiya etadi, bu model ingichkaligi va katta ekran maydoni bilan ajralib turadi.
Manba: pepelac.news
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
