Meta sun’iy intellektda yopiq modelga o‘tyaptimi?

Meta o‘z sun’iy intellekt sohasidagi obro‘sini ochiqlik tamoyiliga asoslangan holda yaratgan, biroq bu yondashuv o‘zgarishi mumkin, deb TechCrunch xabar berdi.

Kompaniyaning AI bo‘yicha oldingi yutuqlari asosan LLaMA kabi modellarni ommaga taqdim etish va tadqiqotchilar bilan ochiq baham ko‘rishga asoslangan edi. Bu strategiya Meta’ni boshqa yirik raqobatchilar — Google va OpenAI’dan ajratib turardi.

Ammo so‘nggi ma’lumotlarga ko‘ra, Meta o‘zining navbatdagi LLaMA 3 modellarini qanday chiqarish bo‘yicha ichki muhokamalar olib bormoqda. Kompaniyada ayrim mutaxassislar xavfsizlik, raqobat va tijorat manfaatlarini inobatga olib, modellarni to‘liq ochiq qilmaslikni taklif qilmoqda.

AI jamoasida bu holat ochiqlik tarafdorlari va ehtiyotkor yondashuvni qo‘llab-quvvatlovchilar o‘rtasida ichki bahs-munozaralarga sabab bo‘lmoqda. Meta hozircha siyosatida rasmiy o‘zgarish qilmagan, biroq kuzatuvchilarga ko‘ra, bu o‘zgarish kompaniyaning ochiqlikka asoslangan obro‘siga putur yetkazishi mumkin. “Zamin”ni Telegramʻda oʻqing!