Yaponiyada talabalaridan biri yangicha texnologiya asosida ishlovchi uchuvchi velosipedni yaratishga muvaffaq bo‘ldi. Bu mo‘jizaviy transport vositasi oddiy pedallar yordamida harakatga keladi va havoda harakatlanish qobiliyatiga ega. Ya’ni, velosipedni tepsangiz, osmondan joy olasiz — tirbandliklar ortda qoladi.
Ushbu yangilik transport sohasida katta shov-shuvga sabab bo‘ldi. 10 ballik tirbandliklar Yaponiya shaharlarida jiddiy muammo hisoblanadi. Endilikda esa bunday uchuvchi velosipedlar orqali yirik shaharlar bo‘ylab bemalol harakatlanish mumkin bo‘ladi.
Ixtirochi talabaning ta’kidlashicha, mazkur apparat yangi avlod muhandislik imkoniyatlarini namoyon etuvchi dastlabki prototip hisoblanadi. Hozirda u texnik sinovlardan o‘tmoqda va xavfsizlik jihatlari ustuvor vazifa qilib belgilangan.
Uchuvchi velosiped elektr motor, engil materiallar va aerodinamik konstruksiya asosida ishlab chiqilgan. Qurilma qo‘shimcha batareyalar bilan ta’minlangan bo‘lib, havoda 20 daqiqagacha turish imkoniyatiga ega. Uning maksimal tezligi 40 km/soatgacha yetadi.
Bu innovatsion transport vositasi ayniqsa yo‘llarda tirbandlikdan charchagan odamlar uchun juda foydali bo‘lishi mumkin. Maxsus o‘quv mashg‘ulotlardan so‘ng uni boshqarish osonlashadi va keng ommaga mo‘ljallangan versiyalari ham ishlab chiqiladi.
Taxminlarga ko‘ra, yaqin yillarda ushbu transport vositasi ommalashib, shahar infratuzilmasini o‘zgartirishi mumkin. Ayrim ekspertlar bu kabi qurilmalar kelajakda shaxsiy avtomobillar o‘rnini bosishini ham taxmin qilishmoqda.
O‘zbekistonda ham talabalarni innovatsion yo‘nalishlarda qo‘llab-quvvatlash va ilmiy ixtirolarga yetarli e’tibor qaratish zarurligi yana bir bor yaqqol ko‘rindi. Yapon talabasi yaratgan bu yangilik nafaqat texnologik taraqqiyot belgisi, balki yoshlar salohiyatining yorqin isbotidir.
“Zamin”ni Telegramʻda oʻqing!
