So‘nggi paytlarda Apple o‘z mahsulotlariga mayda dizayn o‘zgarishlarini kiritib kelmoqda. Ko‘p hollarda yangi model avvalgisidan faqat ranglari bilan farq qilayotgandek ko‘rinadi. Ammo 2026 yilda kompaniya butunlay yangi qurilmani — buklanadigan iPhoneni taqdim etishi kutilmoqda.
Bloomberg sharhlovchisi Mark Gurman ma’lumotiga ko‘ra, Apple kitob singari ochilib, planshetga aylanishi mumkin bo‘lgan smartfon ustida ishlamoqda. Ushbu ilk buklanadigan model ichki kod nomi V68 bo‘lib, uning tashqi displeyi besh-olti dyuym, ichki ekrani esa sakkiz dyuym atrofida bo‘lishi aytilmoqda.
Yangi iPhone to‘rtta kamera bilan ta’minlanadi: old panelda selfi va videoqo‘ng‘iroqlar uchun alohida linzalar, orqa tomonida esa yuqori aniqlikdagi yana ikki kamera bo‘ladi. Shuningdek, ishlab chiquvchilar ilgari mashhur bo‘lgan Touch ID texnologiyasini qaytarmoqda. Barmoq izi skaneri qurilmaning yon tomonida joylashadi.
Mutaxassislarning fikricha, bukiladigan iPhone xaridorlar orasida katta qiziqish uyg‘otadi. Uning dastlabki narxi 1 999 dollar (161 419 rubl) atrofida bo‘lishi prognoz qilinmoqda.
“Zamin”ni Telegramʻda oʻqing!
