Hozirgi kunda smartfonsiz hayotni tasavvur qilish qiyin. Biroq ulardagi qismlar vaqt o‘tishi bilan ishdan chiqishi yoki noto‘g‘ri foydalanish natijasida qurilma qizib ketishi mumkin. Bu nafaqat gadjetga, balki xavfsizlikka ham ta’sir qiladi.
Quyida smartfonning qizib ketishiga olib keladigan asosiy sabablar va ularni bartaraf etish yo‘llari bilan tanishing:
1. Yuqori protsessor yuki: Bir vaqtda ko‘p ilovalar ochilganda smartfon qizib ketadi.
Yechim: Fon ilovalarini yoping, qurilmani 10–15 daqiqa dam olishga qoldiring.
2. Tashqi omillar: Quyosh nurlari, cho‘ntakda yoki qopda uzoq saqlash ham isishga olib keladi.
Yechim: Telefonni to‘g‘ridan to‘g‘ri quyoshda qoldirmang, havo aylanishi yaxshi joyda saqlang.
3. Batareya va zaryad muammolari: Nosoz yoki original bo‘lmagan adapterdan foydalanish batareyani yomonlashtiradi.
Yechim: Faqat to‘g‘ri va ishonchli zaryadlovchi qurilmadan foydalaning, zaryad paytida og‘ir fayllarni ochmang.
4. Virus va zararli dasturlar: Shubhali ilovalar smartfonni sekinlashtirib, ortiqcha isitishi mumkin.
Yechim: Antivirus bilan tekshiring, keraksiz ilovalarni o‘chiring, tizimni muntazam yangilab turing.
5. Dasturiy ta’minotdagi nosozliklar: Eski yoki xato bilan ishlaydigan tizim ham isish sababi bo‘ladi.
Yechim: Qurilmani qayta ishga tushiring, yangilangan versiyani o‘rnating, zarurat bo‘lsa, zavod sozlamalariga qayting.
“Zamin”ni Telegramʻda oʻqing!
