Albaniyada dunyodagi birinchi "AI-vazir" yaratildi

"Sotib olinmaydigan" AI amaldor davlat xaridlari uchun javob beradi.

Albaniyada dunyoda birinchi marta vazirlardan birining vazifasini sun’iy intellektga asoslangan model bajaradi. Bu haqda Telegram xabar bermoqda.

"Sun’iy intellekt vaziri"ga Diella (alban tilidan tarjima qilinganda - "quyosh") nomi berildi. "Mansabdor ayol" davlat tenderlarini o‘tkazishga mas’ul bo‘ladi va davlat qaysi xususiy kompaniyalar bilan shartnoma tuzishini belgilaydi.

Albaniya bosh vaziri Edi Ramning so‘zlariga ko‘ra, "sun’iy intellekt vaziri" "sotilmaydigan" bo‘ladi, bu esa davlat xaridlari sohasida korrupsiyaning oldini oladi.

"Sun’iy intellekt vaziri" modeli fuqarolar uchun turli xizmatlardan foydalanishni ta’minlaydigan e-Albania platformasida ishlaydi. Foydalanuvchilarga ko‘rinadigan Diellaning avatari milliy alban libosida.

Charos Zarqarayeva

«ZAMIN.UZ» muharriri