ASUS qayirma ekranli Full HD monitor tayyorladi

ASUS kompaniyasining mahsulotlariga qatoriga 31,5 dyuymli Full HD aniqligidagi qayirma ekranga ega monitorni qo‘shildi. Terabayt.uz saytining yozishicha, ASUS VA326H monitori yuqori kadr (144 Gs ) chastotasini qo‘llab-quvvatlaydi. Unga o‘rnatilgan VA matritsasining javob vaqti 4 milisoniyani tashkil etadi.

Konrast darajasi – 3000:1, namoyish burchagi 178°, Flicker-Free va Low Blue Light texnologiyalariga ega.

ASUS VA326H oddiy podstavka bilan sotuvga chiqariladi, slotlardan D-Sub, DVI va HDMI ko‘zda tutilgan. Monitordagi aniqlik formatini hisobga olsak, ushbu miqdordagi videoslotlar qurilma uchun yetarli bo‘ladi.

Hozircha monitorning narxiga aniqlik kiritilmagan.